>> विनोद झिरे

बीड : अल्पवयीन मुलीवर लग्नाचे आमिष दाखवून सतत चार वर्षे अत्याचार केल्याचा धक्कादायक प्रकार उघडकीस आला आहे. बीडच्या माजलगाव शहरातील ही घटना आहे. या प्रकरणी आरोपी तरुणावर पोस्को कायद्यांतर्गत गुन्हा दाखल करण्यात आला आहे.

पीडित मुलगी आणि आरोपी गेल्या चार वर्षांपासून एकमेकांना ओळखत होते. लग्नाचे आमिष दाखवून आरोपीने चार वर्षे पीडित तरुणीवर अत्याचार केला. मुलाकडून सतत अत्याचार वाढल्याने व लग्नासाठी चालढकल करत असल्याने पीडितेने स्वतः माजलगाव शहर पोलिसांना अत्याचाराची माहिती दिली. (Latest marathi News)

2018 पासून ते सप्टेंबर 2022 पर्यंत पीडित मुलीवर एका अल्पवयीन मुलाने लग्नाचे आमिष दाखवून सतत अत्याचार केला. हा अत्याचार मुलाने पीडितेच्या व स्वतःच्या घरी केला. आजच्या घडीला मुलीचे वय 18 तर मुलाचे वय 21 आहे. दरम्यान पीडितेच्या फिर्यादीवरून आरोपी तरुणावर माजलगाव शहर ठाण्यात पोस्को अंतर्गत गुन्हा दाखल करण्यात आला आहे