- विनायक वंजारे

सिंधुदुर्ग: मालवणजवळील (Malvan) तारकर्ली (Tarkarli Boat Accident) येथे मंगळवारी (ता.24) झालेल्या बोट दुर्घटने प्रकरणी पाेलीसांनी (police) सात जणांना अटक (arrest) केली आहे. या सर्वांना वैद्यकीय तपासणीनंतर न्यायालयात नेले जाणार असल्याची माहिती पाेलीसांनी दिली. (Tarkarli Boat Accident Latest Marathi Updates)

सिंधुदुर्ग (Sindhudurg) जिल्ह्यातील तारकर्लीत (Tarkarli) येथे पर्यटकांनी भरलेली बोट मंगळवारी बुडाली. या बोटीत वीस प्रवासी होते. त्यापैकी दाेघांचा बुडून मृत्यू झाला. तसेच दोघांची प्रकृती चिंताजनक बनली हाेती. अन्य 16 प्रवाशांना बाेटीतून सुखरुप बाहेर काढण्यात आले.

दरम्यान मालवण -तारकर्ली बोट दुर्घटनेस कारणीभूत ठरल्याप्रकरणी सात जणांना आज (बुधवार) पाेलीसांनी अटक केली आहे. यामध्ये बोट मालक प्रफुल्ल मांजरेकर (तारकर्ली), चालक फ्रान्सिस लूद्रिक (देवबाग), सुयोग मिलिंद तांडेल, विकी फिलीप फर्नांडिस, प्रथमेश बसंधकर, तुषार तळवळकर, विल्यम लुद्रीक यांचा समावेश आहे. या सर्वांवर कलम 304 सह विविध कलमा अंतर्गत गुन्हा दाखल असल्याची माहिती पाेलीसांनी दिली.

Edited By : Siddharth Latkar