मुंबई: राज्यातील महावितरणच्या (MSEDCL) कर्मचाऱ्यांनी काल रविवारी रात्री 12 वाजतापासून दोन दिवसीय संपावर जाण्याचा इशारा दिला. या पार्श्वभूमीवर राज्य सरकारने मेस्मा कायदा लागू केला असून हा प्रस्तावित संप करण्यास मनाई केली आहे. कर्मचारी संघटना संपावर ठाम आहेत. या पार्श्वभूमीवर आज उर्जामंत्री नितीन राऊत (Nitin Raut) यांनी चर्चेतून तोडगा काढण्याची विनंती केली.

ज्या कर्मचारी संघटना या संपात उतरल्या आहेत त्यांना मी विनंती करतो. चर्चेतून तोडगा काढला पाहिजे. आम्ही खाजगीकरनाविरोधात आहोत. सध्या कडक उन्हाळा आहे. शेतीचा (Farmer) हंगाम सुरु आहे. दहावी, बारावीच्या विद्यार्थ्यांची परीक्षा सुरु आहेत. संपामुळे या सगळ्यांवर परिणाम होऊ नये. पण संप घडवून खाजगीकरनाचा डाव आखत असेल तर आम्ही कारवाई करू असा इशाराही राऊत (Nitin Raut)यांनी दिला.

आम्ही चर्चेला तयार आहोत, आर्थिक संकटात असताना यावर मात करत आम्ही पुढे जात आहोत. कोरोना (Corona) काळात वीज कर्मचाऱ्यांनी समोर येऊन सेवा केली हे आम्हाला मान्य आहे. आज वीज (MSEDCL) कर्मचाऱ्यांच्या संघटनांसोबत व्हीसीच्या माध्यमातून चर्चा करणार आहे. या प्रश्नावर तोडगा निघेल असं मला वाटते, असही राऊत (Nitin Raut) म्हणाले.

Edited By -Santosh kanmuse