Sanjay Shirsat News :

जालना येथे मराठा आंदोलकांवर झालेल्या लाठीहल्ल्याचे राजकीय पडसाद उमटू लागले आहेत. एकीकडे विरोधक गृहमंत्री देवेंद्र फडणवीस यांच्या राजीनाम्याची मागणी करत आहेत. तर दुसरीकडे शिवसेना ठाकरे गटाचे आमदार संजय शिरसाट यांना राज्यातील एका ज्येष्ठ नेत्यामुळे हे आंदोलन चिखळल्याचा गंभीर आरोप केला आहे.

राज्याचे विरोधी पक्षनेते विजय वडेट्टीवार यांनी केलेल्या नार्कोटेस्टच्या मागणीवर बोलताना संजय शिरसाट यांनी म्हटलं की, जालन्यातील लाठीहल्ल्याच्या सर्वांनीच तीव्र शब्दात निषेध केला आहे. अधिकृत मी सांगू शकत नाही, पण माझ्याकडे पण अशी माहिती आहे की महाराष्ट्रातील एका वरीष्ठ नेत्यांने या आंदोलनाला चिथवणी दिली आहे. तो नेता कोण आहे? याची सरकारने चौकशी करावी, अशी मागणीही मी मुख्यमंत्री एकनाथ शिंदे यांच्याकडे करणार आहे. (Political News)

राज्यातील तो बडा नेता कोण?

एखादं आंदोलन चिघळवायचं कसं. महाराष्ट्र पेटवून आपण त्यातून बाहेर कसं पडायचं? हे काही लोकांचं तंत्र आहे. त्याची देखील चौकशी झाली पाहिजे ही आमची मागणी आहे. माझ्याकडे पुरावा असता तर मी नावही सांगितलं असतं. पण ते राज्यातील ज्येष्ठ नेते आहेत, असं संजय शिरसाट यांना म्हटलं.

सर्वांचीच नार्को टेस्ट करा

माफी मागणे हा पण मोठेपणा आहे. महाराष्ट्राची ही संस्कृती आहे. देवेंद्र फडणवीस यांनी माफी मागितली हे स्वागतार्ह आहे, योग्य आहे. एकदा सर्वांचीच नार्को टेस्ट करा म्हणजे खरं बाहेर येईल, असं देखील संजय शिरसाट यांनी म्हटलं. (Latest Marathi News)

कुणबी मराठा आरक्षण

कालच्या बैठकीत सकारात्मक भूमिका घेतली आहे. कुणबीमध्ये आरक्षण देता येईल का यावर चर्चा झाली. आपल्याला हे आरक्षण देताना सर्व बाजूंचा विचार करावा लागणार आहे. कुणाच्या आरक्षणाला धक्का न लावत किंवा समाजात वाद न होता आरक्षण देण्याची प्रामाणिक भूमिका सरकारने घेतली आहे. त्यामुळे आंदोलन थांबवलं पाहिजे, असं शिरसाट यांनी म्हटलं.