नगरपालिकेच्या निवडणुकीत चांद्यापासून बांद्यापर्यंत शिंदेसेनेचा डंका वाजला... या विजयानंतर आता महापालिका निवडणुकीसाठी शिंदेसेनेनं नव्या उत्साहात सज्ज झालीय..मुंबई महापालिकेसाठी भाजप आणि शिंदेसेनेचं जागावाटप अंतिम टप्प्यात आलं असतानाच जागावाटपाच्या फॉर्म्युल्यात शिंदेसेनेनं वेगळाच फंडा वापरण्याचा निर्णय घेतलाय...

विधानसभा निवडणुकीत शिंदेसेनेचा स्ट्राइक रेट 80 टक्के होता.. त्यामुळे महायुतीत शिंदेसेना 125 जागांवर ठाम असून भाजपनं 90 जागांचा प्रस्ताव दिल्याची माहिती आहे... तर दुसरीकडे शिंदेसेनेने जास्त जागांपेक्षा निवडून येणाऱ्या जागा घेण्याचं धोरण ठरवलयं...तिकिट वाटप करताना इच्छुक उमेदवाराच्या कामगिरीच्या जोरावर त्याला उमेदवारी दिली जाणार आहे...

दरम्यान 2017 साली धनुष्यबाण चिन्हावर लढलेल्या आणि निसटत्या फरकाने जिंकलेल्या जागांवरही भाजपने दावा केलाय... इतकंच नव्हे तर 2017 साली भाजप ज्या ठिकाणी दुसऱ्या क्रमांकावर होता तिथेही भाजपनं आपला दावा कायम ठेवल्याची माहिती सूत्रांनी दिलीय...त्यामुळे भाजप जागावाटपात आक्रमक असताना शिंदेसेनाही आक्रमक झालीय...

दुसरीकडे महायुतीचं जवळपास 180 जागांवर एकमत झाल्याची माहिती समोर आलीय.. त्यात 30 ते 40 जागांवरील पेच लवकर सुटणार आहे... उर्वरित जागांसंदर्भात मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यात पुन्हा चर्चा होणार आहे... मात्र शिंदेसेनेची नवी रणनीती भाजपला पटणार का? जागावाटपाचा तिढा महायुती कसा सोडवणार? हे पाहणं महत्त्वाचं ठरणार आहे.