सातारा जिल्ह्यातील काही भागात गेल्या दोन तीन दिवसांपासून वादळी वाऱ्यासह झालेल्या पावसामुळे शेतीसह काही ठिकाणी मालमत्तेचे नुकसान झाले आहे. दाेन दिवस झाले साता-यासह काही भागांमध्ये ढगाळ वातावरण होत होते. पण अखेर काल संध्याकाळी वादळी वाऱ्यासह साताऱ्यात पावसाला सुरवात झाली. (Maharashtra News)

सातारा जिल्ह्यातील कोरेगाव तालुक्यातील वाघोली येथील जिल्हा परिषद शाळेचे काल संध्याकाळी वादळी वाऱ्यासह झालेल्या मुसळधार पावसाने मोठे नुकसान झाले आहे. शाळेचे असलेले पत्रेच या पावसात उडून गेले आहेत. सुदैवाने या घटनेत कोणीही जखमी झाले नाही पण पावसाने शाळेचे मोठे आर्थिक नुकसान झाले आहे. सातारा बस स्थानकात देखील पावसामुळे प्रवाशांची तारांबळ उडाली.

आनेवाडीत होर्डिंग काेसळले

आनेवाडी टोल नाक्यासह भुईंज ते लिंब फाटा परिसरात धोकदायक होर्डिंग वादळी वाऱ्याने भुईसपाट झाले. साेमवारी संध्याकाळी अचानक सोसाट्याच्या वाऱ्यामुळे व पडत असलेल्या मुसळधार पावसाने मोठे होर्डींग अचानक कोसळल्याने वाहतूक काही काळ मंदावली होती. या घटनेत सुदैवाने कोणतीही जिवीत हानी झाली नाही.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar