- बालाजी सुरवसे 

Dharashiv News : पुढील आदेशापर्यंत जिल्ह्यातील सर्व विभाग प्रमुखांनी धाराशिव नावाचा वापर करू नये उस्मानाबाद नावाचाच वापर करावा असा आदेश अप्पर जिल्हादंडाधिकारी महेंद्रकुमार कांबळे यांनी सर्व कार्यालय प्रमुखांना केला आहे. त्यामुळे प्रशासकीय पातळीवर पुढील आदेशापर्यंत उस्मानाबाद असाच उल्लेख करावा लागणार आहे. (Maharashtra News)

उस्मानाबाद जिल्ह्याचे नाव बदलुन धाराशिव करण्याबाबतच्या मुंबई उच्च न्यायालयात रिट याचिका दाखल आहे. नामांतराबाबत प्राप्त झालेल्या आक्षेपांची सुनावणी चालु आहे. असे असताना महसुल व इतर विभागांशी संबधित कार्यालये हे जिल्ह्याचे नाव बदलत असल्याची बाब याचीकाकर्ते यांच्या वकीलांनी न्यायालयास (court) नुकतची निर्दशनास आणुन दिली.

त्यावर उच्च न्यायालयाने पुढील आदेशापर्यंत महसूल व इतर कोणत्याही कार्यालयांनी उस्मानाबाद नावात बदल न करण्याबाबत निर्देश दिले आहेत. त्यामुळे पुढील आदेशापर्यंत जिल्ह्यातील सर्व विभाग प्रमुखांनी धाराशिव नावाचा वापर करू नये.

उस्मानाबाद नावाचाच वापर करावा असे आदेश अप्पर जिल्हादंडाधिकारी महेंद्रकुमार कांबळे यांनी सर्व कार्यालय प्रमुखांना दिले आहेत. त्यामुळे प्रशासकीय पातळीवर पुढील आदेशापर्यंत उस्मानाबाद असाच उल्लेख करावा लागणार आहे.

Edited By : Siddharth Latkar