अकोला : अकोल्यातील अकोट येथून जवळच असलेल्या खटकाली गावाजवळ असलेल्या पठार नदीच्या डोहात दोन युवकांचा बुडून दुर्दैवी मृत्यू झाला आहे. अकोट येथील इफ्तेखार प्लॉटमधील राहणारे दोन युवक हे पठार नदीच्या डोहात पोहण्यासाठी गेले होते. त्यांना पाण्याचा अंदाज न आल्याने त्यांचा बुडून दुर्दैवी मृत्यू झाला.

हे देखील पहा-

शेख मोईन शेख अमीन (वय-19), शेख सुफियान शेख हमीद (वय-18) दोघेही रा. ईफ्तेखार फ्लाॅट अकोट अशी त्यांची नावे आहेत. ते आज खटकाली परिसरातील पठार नदीच्या डोहातील नदीपात्रात पोहण्यासाठी गेले होते. त्यांना पाण्याचा अंदाज न समजल्याने त्यांचा बुडून मृत्यू झाला आहे. त्यांना अकोट ग्रामीण रुग्णालयात शवविच्छेदनासाठी पाठविण्यात आले आहे. यावेळी त्यांना बघण्यासाठी मोठ्या प्रमाणात गर्दी झाली होती. यावेळी पोलिसांचा चोख बंदोबस्त होता.

Edited By- Digambar Jadhav