Shreya Maskar
उन्हाळ्यात आपल्याला थंड हवेच्या ठिकाणी फिरायला खूप आवडते. नेहमी परदेशात फिरायला जाण्यापेक्षा आपल्या मुंबईजवळच सुंदर हिल स्टेशन्स लपली आहेत. ज्याला नक्की भेट द्या.
सूर्यमल हिल स्टेशन हे मुंबईजवळ पालघर जिल्ह्यात घनदाट जंगलांनी वेढलेले आहे. हे ठिकाण ट्रेकिंगसाठी उत्तम आहे. तुम्ही येथे मित्रांसोबत नक्की फिरायला जा.
जव्हार हिल स्टेशनला 'ठाणे जिल्ह्याचे महाबळेश्वर' म्हणतात. येथे हिरवळ, धबधबे पाहायला मिळतात. पालघर स्टेशनला उतरून तुम्हाला रिक्षाने येथे सहज जाता येते.
माळशेज घाट हा महाराष्ट्र राज्यातील पुणे आणि ठाणे जिल्ह्यांच्या सीमेवर, सह्याद्रीच्या पश्चिम घाटात स्थित एक प्रसिद्ध डोंगरी रस्ता आणि थंड हवेचे ठिकाण आहे. येथे तुम्ही रोड ट्रिपचा आनंद घेऊ शकता.
पुणे जिल्ह्यातील मुळशी डॅम कॅम्पिंगसाठी खास लोकेशन आहे. जे निळसर पाणी, सह्याद्रीच्या रांगा आणि हिरवाईने वेढलेले आहे.
कर्जत हे मुंबईपासून जवळ असलेले एक उत्तम, शांत आणि कमी गर्दीचे निसर्गरम्य हिल स्टेशन आहे. सह्याद्रीच्या कुशीत वसलेले हे ठिकाण हिरवळ, धबधबे आणि ट्रेकिंगसाठी प्रसिद्ध आहे.
कोलाड हे महाराष्ट्रातील रायगड जिल्ह्यात कुंडलिका नदीच्या काठावर वसलेले एक सुंदर आणि आकर्षक ठिकाण आहे.वॉटर राफ्टिंग हे येथील मुख्य आकर्षण आहे.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.