Shreya Maskar
उन्हाळ्यात पिकनिक प्लान करा. पुण्यातील जुन्नर येथे महाराष्ट्रातील सर्वात सुंदर लेणी पाहायला मिळतील. लहान मुलांना वास्तुकलेचा एक अनोखा नजारा पाहायला मिळेल.
जुन्नर लेणी पुणे जिल्ह्यातील जुन्नर शहराच्या परिसरात, प्रामुख्याने शिवनेरी, मानमोडी, तुळजा लेणी आणि लेण्याद्री लेणी (गणेश मंदिर) यांसारख्या टेकड्यांवर वसलेल्या २०० हून अधिक प्राचीन बौद्ध शैलगृहांचा (दगडांत कोरलेल्या लेण्यांचा) एक विशाल समूह आहे.
जुन्नर लेण्यांना भेट द्यायला गेल्यावर अप्रतिम बौद्ध स्थापत्यशैली, दरीचे विहंगम दृश्य पाहायला मिळते. तुम्ही येथे सुंदर निसर्गाच्या सानिध्यात फोटोशूट करू शकता.
जुन्नर लेणी ही ट्रेकिंगसाठी देखील प्रसिद्ध आहे. तुम्ही येथे नक्कीच फॅमिली ट्रिप प्लान करू शकता. तुम्ही येथे उन्हाळ्यात पिकनिक प्लान करू शकता. लहान मुलांना येथील वास्तुकला दाखवण्यासाठी नक्की घेऊन जा.
जुन्नर येथील लेण्यांमध्ये ब्राह्मी लिपीतील अनेक शिलालेख आढळतात. हे शिलालेख प्रामुख्याने प्राकृत भाषेत असून त्यात सातवाहन काळातील दानशूर व्यक्ती, व्यापारी आणि बौद्ध भिक्खूंच्या दानांचा उल्लेख आहे. असे बोले जाते.
जुन्नर हे ऐतिहासिक आणि निसर्गरम्य पर्यटन स्थळ आहे. येथे छत्रपती शिवाजी महाराजांचे जन्मस्थान शिवनेरी किल्ला, अष्टविनायकांपैकी दोन मंदिरे (लेण्याद्री व ओझर), प्राचीन नाणेघाट ही पर्यटन स्थळे आहेत.
मुंबईहून जुन्नरला जाण्यासाठी सर्वात सोपा मार्ग म्हणजे ट्रेन प्रवास होय. तुम्ही मुंबईहून पुणे स्टेशनला उतरून बसेस किंवा खाजगी टॅक्सीने जुन्नरला जाऊ शकता.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.