Satara News : महाराष्ट्र शासनाने जिल्हा परिषदेच्या शाळांबाबत घेतलेला निर्णय शैक्षणिक क्षेत्रास धाेकादायक असल्याचा दावा करीत आज (मंगळवार) रिपब्लिकन पार्टी ऑफ इंडियाने साता-यात आंदाेलन छेडले. आरपीआयच्या पदाधिकाऱ्यांनी शाळेच्या गणवेशात केलेल्या आंदाेलन लक्षवेधी ठरले. (Maharashtra News)

यावेळी आंदाेलकांनी मुख्यमंत्री एकनाथ शिंदे (eknath shinde), उपमुख्यमंत्री देवेंद्र फडणवीस (devendra fadnavis), उपमुख्यमंत्री अजित पवार (ajit pawar) यांच्यावर कविता सादर करत बाेचरी टीका केली. साता-याचे पालकमंत्री शंभूराज देसाई (shambhuraj desai) यांना देखील आरपीआयचे पदाधिकारी यांनी टिकेचे लक्ष केले.

नेहमीच खादीच्या कपड्यात असणारे आरपीआयचे पदाधिकारी आज शाळेच्या गणवेशात जिल्हाधिकारी कार्यालयात आल्याने ते सर्वांचे लक्ष वेधून घेत होते. यावेळी जिल्हाधिकारी जितेंद्र दुडी यांच्या दालनाच्या बाहेर बसून पदाधिका-यांनी शासनाच्या निर्णयाचा निषेध नाेंदविला. यावेळी आंदाेलकांनी सांग सांग भाेलानाथ या चालीवर सांग सांग एकनाथ शाळा टिकेल काय...असा सवाल केला.

या आंदाेलनात अप्पा तुपे, पूजा बनसोडे या पदाधिका-यांसह आरपीआयचे कार्यकर्ते सहभागी झाले हाेते. या अऩाेख्या आंदाेलनाची चर्चा समाज माध्यमात तसेच शहारातील चाैक चाैकात सुरु हाेती.

Edited By : Siddharth Latkar