Nashik News : नाशिक शहरातील अंबड लिंकराेड परिसरात आज (मंगळवार) पहाटेच्या सुमारास एक दुर्देवी घटना घडली. दुचाकीवरुन क्लासला निघालेल्या विद्यार्थ्याचा अपघातात मृत्यू झाला. या अपघातात अन्य दाेन विद्यार्थी गंभीर जखमी असल्याची माहिती समाेर आली आहे. (Maharashtra News)

पाेलिसांकडून मिळालेल्या माहितीनूसार आज पहाटे सहाच्या सुमारास नाशिकच्या अंबड लिंकरोड परिसरात एका दुचाकीचा अपघात झाल्याची माहिती आम्हांला प्राप्त झाली. त्यानंतर पाेलिस कर्मचारी घटनास्थळी गेले. दाेन दुचाकींचा अपघात झाल्याचे कर्मचा-यांचे निदर्शनास आले.

या घटनेत सार्थक रहाणे या 16 वर्षीय मुलाचा मृत्यू झाला आहे. रस्ते अपघातात शाळकरी (school) मुलाचा मृत्यू झाल्याने परिसरात हळहळ व्यक्त केली जात हाेती. दरम्यान सार्थक हा दुचाकीने क्लाससाठी जाताना अपघात झाल्याचे समाेर आले आहे.

त्याच्या गाडीवर असलेले आणखी दोन जण गंभीर जखमी झाले आहेत. दरम्यान पालकांनी अल्पवयीन मुलांना वाहन चालविण्यास देऊ नये असे आवाहन पाेलिसांनी केले आहे.

Edited By : Siddharth Latkar