सरपंच संतोष देशमुख हत्या प्रकरणात नवा ट्विस्ट आलाय... आवादा कंपनीच्या खंडणीआड आल्यानेच संतोष देशमुखांची हत्या केल्याची कबुली सुदर्शन घुलेने दिलीय. पोलिसांनी आवादा कंपनीकडून खंडणी मागितल्याचा व्हिडीओ दाखवला आणि सुदर्शन घुले पोपटासारखा बोलायला लागला...एवढंच नाही तर सुत्रांनी दिलेल्या माहितीनुसार सुदर्शन घुले, जयराम चाटे आणि महेश केदारने गुन्ह्याची कबुली दिलीय. त्यामुळे वाल्मिक कराडचा पाय आणखीच खोलात गेलाय..

खंडणीत अडसर होत असल्यानं संतोष देशमुखांची हत्या - घुले

आम्हीच सरपंच संतोष देशमुखांचं अपहरण करुन हत्या केली - घुले

देशमुख आणि ग्रामस्थांनी केलेल्या मारहाणीचा मनात राग - घुले

आवादा कंपनीतला खंडणीचा व्हिडिओ दाखवताच घुलेची कबुली

देशमुखांच्या हत्येचा व्हिडिओ शूट केला - महेश केदार

आरोपींच्या कबुली जबाबानंतर धनंजय देशमुखांनी हा खटला फास्ट ट्रॅक कोर्टात चालवण्याची मागणी केलीय...तर सुदर्शन घुलेची ही कबुली वाल्मिक कराडला पळवाट मिळवून देण्यासाठी आहे का? असाही संशय व्यक्त केला जातोय.. तर दमानियांनी थेट धनंजय मुंडेंना सहआरोपी कऱण्याची मागणी केलीय..

सुदर्शन घुले, महेश केदार आणि जयराम चाटेच्या कबुलीत आवादा कंपनीच्या खंडणीचं कारण सांगितलंय..त्यामुळे वाल्मिक कराडचा पाय खोलात गेलाय. तर धनंजय मुंडेंचीही धाकधूक वाढलीय... आता या प्रकरणात पोलीस चौकशीचा फास आवळून धनंजय मुंडेंना सहआरोपी करणार का? याकडे लक्ष लागलंय...