नागपूर : नागपूर (Nagpur) जिल्ह्याच्या नरखेड तालुक्यातील खंडाळा ग्रामपंचायतचे सरपंच आणि कृषी उत्पन्न बाजार समितीचे संचालक रुपेश मुंदाफळे याने आरोग्य निरीक्षकाला मारहाण केल्याचा प्रकार समोर आला आहे. ग्रामपंचायतीला सुचना न देता कोविड लसीकरण (Vaccination) शाळेमध्ये घेतल्याच्या रागातून त्यांनी आरोग्य सेविकाला शिवीगाळ करत आरोग्य निरीक्षण प्रवीण धोटे आणि आरोग्य विभागाचा वाहन चालक नितेश रेवातकर यांना मारहाण केल्याची माहिती समोर आली आहे.

तसंच मारहाण करणारे कृषी उत्पन्न बाजार समितीचे संचालक रुपेश मुंदाफले (Rupesh Mundafle) हे शिवसेनेचे (Shivsena) पदाधिकारी आहेत. दरम्यान रुपेश मुंदाफले याच्या विरोधात गुन्हा दाखल केला असून नरखेड पोलीसांनी त्याला अटक केली आहे.

Edited By - Jagdish Patil