नागपूर : युवा सेनेचा (Yuvasena) निश्चय दौरा संपूर्ण महाराष्ट्रात सुरु आहे, त्याचाच दुसरा भाग म्हणून विदर्भात मेळावे आहेत. युवा सेनेचं काम चांगलं सुरु आहे. युवा सेनेची ताकद वाढवण्याचे प्रयत्न सुरु शिवसेना (Shivsena) कुणाची टीम आहे असं मला वाटत नाही, शिवसेनेचे पक्ष प्रमुख मुख्यमंत्री आहेत. शिवसेना किंग मेकर नाही तर किंग च्या भुमिकेत आहे असं वक्तव्य युवा सेनेचे वरुण सरदेसाई (Varun Sardesai) यांनी नागपूरात केलं.

संजय राऊत (Sanjay Raut) शिवसेनेची बुलंद तोफ आहे. महाविकास आघाडीला एकत्र आणण्यासाठी राऊत साहेब यांची महत्त्वाची भुमिका आहे. संजय राऊत यांनी एक हाक द्यावी महाराष्ट्रातला प्रत्येक शिवसैनिक, युवासैनिक रस्त्यावर उतरल्याशिवाय राहणार नाही असही ते म्हणाले.

संजय राऊतांवर झालेली EDची कारवाई सुड बुद्धीतून झाली असून त्यांचा गुन्हा काय? हे भाजपचे नेते सुद्धा सांगू शकणार नाही. दीड महिने विधानसभा निवडणूकीनंतर संजय राऊत बोलले आणि त्यांच्या प्रयत्नांने भाजपचे (BJP) १०५ आमदार घरी बसवले आणि सेनेचा मुख्यमंत्री बनवून दाखवला. हा राग आहे. हाच गुन्हा आहे का?

हे देखील पहा -

गेले दोन अडीच वर्षे आपल्या कार्यकर्त्यांना धीर देण्यासाठी अशी वक्तव्य करतात. दर १५ दिवसांनी तारीख देतात. पाच वर्षे नाही तर पुढील २५ वर्षे शिवसेना सत्तेत दिसेल. आणि उद्धवजी मुख्यमंत्री दिसतील असही त्यांनी सांगितलं. अनेक नवीन लोक आमच्यासोबत येतात. जुने नवीन यांचा मेळ करण्याचा प्रयत्न सुरु असून जुनी नवी टीम मिळून शिवसेनेचं वादळ निर्माण करणार विदर्भात मंत्रीपदाबाबत पॅाझीटीव्ह निर्णय होणार. विदर्भावर अन्याय होणार नाही असं आश्वासनही त्यांनी यावेळी दिलं.

Edited By - Jagdish Patil