संपुर्ण महाडमध्ये झालेला हा चिखल साफ करण्यासाठी नरेंद्र महाराज प्रतिष्ठानच्या आठ हजार भाविकांनी महाड कडे धाव घेतली असून तिथे स्वच्छता मोहीम हाती घेतली आहे.Sanitation campaign in Mahad by Narendra Maharaj Pratishthan

गेल्या दोन आठवड्यांपासून राज्यात पावसाने हाहाकार माजवला होता पावसाचा जोर आत्ता कुठे कमी व्हायला लागला आहे.यावेळीचा महापूर अचानक आणि पाऊस भयावह होता यामध्ये अनेक ठिकाणच नुकसान झालं आहे. प्रत्येक वेळी पाऴसाला आणि महापुराला बळी पडणारे दोन विभाग प्रामुख्याने असतात ते म्हणजे कोकण आणि पश्चिम महाराष्ट्र आणि रायगड,महाड हा भाग.

हे देखील पहा-

महाड शहरात यावर्षीही महापूराने मोठ्या प्रमाणावरती नुकसान केलं आहे आता पाऊस काही प्रमाणात कमी झाला असला तरी पावसाच्या पाण्यामुळे महाडमधील सावित्री नदीला पूर आल्याने दोन दिवस पूरस्थिती झाली होती. दरवर्षी येणाऱ्या पुरस्थितीपेक्षा यावेळची स्थिती खूप कठीण होती. सारे शहर पुराच्या पाण्यात अडकले होते.आता पूर ओसरला असला तरी पुराच्या पाण्यामुळे नागरिकांच्या घरात, दुकानात, तसेच बाजरपेठा, शासकीय कार्यलये अशा ठिकाणी चिखलच चिखल साचला आहे.

संपुर्ण महाडमध्ये झालेला हा चिखल साफ करण्यासाठी नरेंद्र महाराज प्रतिष्ठानच्या आठ हजार भाविकांनी महाड कडे धाव घेतली असून तिथे स्वच्छता मोहीम हाती घेतली आहे.या स्वच्छता मोहीमेअंतर्गत महाड शहरातील रस्ते, शासकीय कार्यालये, दुकाने, घरे याठिकाणी साचलेला चिखल, कचरा काढून श्रमदान करण्यात आले आहे.

तसेच शहरात रोगराई पसरू नये यासाठी सध्या शासकीय यंत्रणेसह अनेक सामाजिक संस्था स्वच्छतेसाठी महाड शहरात दाखल झाल्या आहेत.

Edited By- Jagdish Patil