Shaktipeeth Expressway Latest News: Saamtv
महाराष्ट्र

Dhairyashil Mane Video: 'देवाच्या नावाखाली घरांवर नांगर फिरवाल तर देवसुद्धा माफ करणार नाही', धैर्यशिल मानेंचा सरकारला घरचा आहेर

Shaktipeeth Expressway Latest News: समृद्धी महामार्गानंतर शिंदे-फडणवीस सरकारचा महत्वाकांशी प्रकल्प म्हणून ओळखल्या जाणाऱ्या शक्तिपीठ महामार्गाला मोठा विरोध पाहायला मिळत आहे. यावरुनच शिंदे गटाचे खासदार धैर्यशिल माने यांनी राज्य सरकारला घरचा आहेर दिला आहे.

विजय पाटील

सांगली, ता. २२ जून २०२४

शिंदे सरकारचा महत्वाकांशी प्रकल्प असलेल्या नागपूर- ते गोवा शक्तिपीठ महामार्गाला शेतकऱ्यांचा मोठा विरोध पाहायला मिळत आहे. मागच्या आठवड्यात सर्वपक्षीय नेत्यांनी या महामार्गाला विरोध दर्शवत कोल्हापूरमध्ये विराट मोर्चा काढला होता. तसेच सांगलीमध्ये काँग्रेस पक्षाचे आंदोलन सुरू आहे. या आंदोलनाला शिंदे गटाचे खासदार धैर्यशिल माने यांनी पाठिंबा दिला. यावेळी त्यांनी राज्य सरकारला घरचा आहेर दिला.

सांगलीत काँग्रेसचे आंदोलन!

शक्तिपीठ महामार्गाला विरोध करण्यासाठी काँग्रेस पक्षातर्फे सांगलीच्या जिल्हाधिकारी कार्यालयासमोर धरणे आंदोलन करण्यात येत आहे. काँग्रेस आमदार विश्वजित कदम, खासदार विशाल पाटील यांच्या नेतृत्वाखाली हे आंदोलन सुरू आहे. या आंदोलनाला पाठिंबा म्हणून शिवसेना शिंदे गटाचे नेते हातकणंगले लोकसभेचे खासदार धैर्यशील माने उपस्थित होते. यावेळी त्यांनी राज्य सरकारवर निशाणा साधला.

काय म्हणाले धैर्यशिल माने?

"शक्तिपीठ महामार्ग होणार आहे. पण हा शक्तीपीठ महामार्ग शक्ती वाढवणारा आहे. का शक्ती काढून घेण्याचा हा महामार्ग आहे? हे काही कळेना झाले आहे. पण देवांच्या नावाखाली आमच्या घरांवर कोणी नांगर फिरवत असेल तर देवसुद्धा त्याला माफ करणार नाही," अशी टीका खासदार माने यांनी केली.

कोल्हापुरात शेतकरी आक्रमक

दरम्यान, शक्तिपीठ महामार्गाविरोधात आज कोल्हापुरमधील शेतकऱ्यांनीही आक्रमक भूमिका घेतल्याचे पाहायला मिळाले. शक्तीपीठ महामार्ग घालवायचा असेल तर सरकार घालवलं पाहिजे. मुख्यमंत्री म्हणतायेत हे जनतेचे सरकार आहे मात्र ते जनतेचे नसून कंत्राटदारांचे सरकार असल्याचं आमचं ठाम मत आहे, असे म्हणत शक्तिपीठ महामार्ग विरोधी संघर्ष समितीचे समन्वयक गिरीश फोंडे यांनी राज्य सरकारवर टीका केली.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Loofah: प्लास्टिकचा लूफा वापरल्याने त्वचेवर काय परिणाम होतो?

Pune Crime : इंजिनीअरिंगमध्ये तीनवेळा नापास, नैराश्यात तरुणाची पुण्यातील राजाराम पुलावरुन थेट नदीत उडी

Maharashtra Politics: पहलगाममध्ये धर्म विचारून गोळ्या मारल्या, आणि ही लोक भाषा विचारून हिंदूंना चोपतायत- आशिष शेलार|VIDEO

Nitin Gadkari :...म्हणून जागतिक स्तरावर युद्ध पेटू शकते; केंद्रीय मंत्री नितीन गडकरींनी व्यक्त केली चिंता

Classmates Bollywood Celebrities: एका शाळेत शिकलेत 'हे' बॉलिवूडचे फेमस सेलिब्रिटी

SCROLL FOR NEXT