सांगली : सांगली जिल्हा बँकेकडून थकबाकी वसुली मोहीम तीव्र करण्यात आली आहे. कर्ज थकबाकीदारांना नोटीस बजावून थकीत कर्जाची रक्कम भरण्याचे सांगितले जात आहे. मात्र थकबाकीदार रक्कम अजूनही भरत नसल्याने त्यांच्यावर कारवाईचा बडगा उचलला जात आहे. यात बिगर शेती कर्जदार असल्याने जिल्ह्यातील साडेचार हजार जणांवर जिल्हा बँकेने कारवाईचा बडगा उचलला आहे. 

आर्थिक वर्ष समाप्तीवर आले असल्याने जिल्हा बँकेकडून वसुली मोहीम जोरदार करण्यात आली आहे. प्रामुख्याने जिल्हा बँकेकडून शेतकऱ्यांना करण्यात येत असलेला कर्ज पुरवठा या शिवाय बिगर शेती धारकांसाठी देखील कर्ज दिले जात असते. मात्र अनेकांनी कर्ज पुरवठा केल्यानंतर त्याची परतफेड करण्यात विलंब केला जात असतो. परिणामी कर्जाची थकीत रक्कम वाढली आहे. हीच रक्कम वसुली मोहीम जिल्हा बँकेने सुरु केली आहे. 

१ हजार १६ कोटींची थकबाकी 

सांगली जिल्हा मध्यवर्ती बँकेकडून थकित कर्ज वसुलीसाठी कारवाईचा बडगा उगारण्यात येत आहे. तब्बल साडेचार हजार जणांवर वसुलीसाठी जिल्हा बँकेकडून हा कारवाईचा बडगा उगारण्यात आला आहे. जिल्हा मध्यवर्ती बँकेच्या बिगर शेतीचे १ हजार १६ कोटींची थकबाकी आहे. या कर्ज वसुलीसाठी जिल्हा बँक ऍक्शन मोडवर आली आहे. तब्बल ४ हजार ४८८ थकबाकीदारांवर कारवाईची मोहीम हाती घेतली आहे. 

४०४७ जणांवर दावे दाखल 

बिगर शेती कर्जदार असलेल्या साडेचार हजार थकबाकीदारांमध्ये सर्वाधिक ४ हजार ४७ जणांवर १०१ ची कारवाई करत दावे दाखल केले आहेत. तर २२९ जणांवर सेक्युरिटायझेशन कायदा अंतर्गत कारवाई करण्यात आली आहे. मार्च अखेर जवळ आल्याने दिल्या बँकेने आपली वसुलीची मोहीम आता अधिक तीव्र केली आहे.