सांगली : ऐन पावसाळ्यामध्ये सांगलीच्या कृष्णा नदीमध्ये लाखो मासे मृत्युमुखी झाल्याचा प्रकार घडला होता. याबाबत दाखल याचिकेवर हरित न्‍यायालयाने नदी काठावरील तीन साखर कारखाने, नगरपालिका, सांगली महानगरपालिका असे मिळून बारा जणांना प्रतिवादी करण्याचे आदेश दिले आहेत. (Live Marathi News)

कृष्णेतील मासे मृत्यू प्रकरणाबाबत प्रदूषण महामंडळाकडून (Sangli) माशांचा मृत्यू नैसर्गिक असल्याचे स्पष्ट करण्यात आले होते. तर नदीत सोडण्यात येणाऱ्या दूषित पाण्यामुळे माश्याचा मृत्यू झाल्याचा आरोप करत या प्रकरणी स्वतंत्र भारत पक्षाचे जिल्हाध्यक्ष सुनील फराटे यांनी हरित न्यायालयामध्ये धाव घेतली होती. जिल्ह्यातल्या कृष्णाकाठी असणारे (Sugar Factory) साखर कारखाने, नगरपालिका आणि सांगली महापालिका यांच्या प्रदूषणामुळे माशांचा मृत्यू होत असल्याची बाब समोर आणत याचिका दाखल केली होती.

न्‍यायालयाने दिले आदेश

या प्रकरणी आता हरित न्यायालयामध्ये याचिकेवरून न्यायालयाने जिल्ह्यातले कृष्णा काठचे तीन साखर कारखाने, नगरपालिका, सांगली महानगरपालिका अशा बारा जणांना प्रतिवादी करण्याचे आदेश जारी केले आहेत. अशी माहिती याचिकाकर्ते सुनील फराटे यांनी दिली आहे. त्याचबरोबर प्रदूषण महामंडळाचे अधिकारी नवनाथ अवताडे यांनी मासे मृत्यू प्रकरणी खोटी माहिती दिल्याने त्यांचे निलंबन करावे; अशी मागणी ही सुनील फराटे यांनी केली आहे.