सांगली : तांब्याच्या तारा चोरणारी टोळी स्थानिक गुन्हे अन्वेषण विभागाने (sangli local crime branch) जेरबंद केली आहे. सांगलीच्या (sangli) चाणक्य चौकात सापळा रचून चोरीचे एक लाख सत्तर हजाराच्या तारा, मोटार आणि मालवाहतूक गाडी असा साडेतीन लाखाचा मुद्देमाल जप्त करण्यात आला आहे. तर तिघांना अटक करण्यात आली आहे. (Sangli Latest Marathi News)

स्थानिक गुन्हे अन्वेषण विभाग (sangli local crime branch) रात्री गस्त घालत असताना आरोपी अहिल्यानगर ते मिरज (miraj) रस्त्यावरून तांब्याच्या तारा घेऊन जात असल्याची माहिती मिळाली. पोलिसांनी सापळा रचून तिघांना पकडले. मालवाहतूक गाडीत तांब्याच्या तारा असलेली पोती आढळून आली. यावेळी पोलिसांनी (police) विचारणा केल्यावर उडवाउडवीची उत्तर तिघांनी दिली.

अधिक चौकशी केली असता हा चोरीचा माल असल्याची कबुली दिली.. पंढरपूर रस्त्यावर दुकानाच्या भीतीला भगदाड पडून ही चोरी केली असल्याचे सांगितले.. तसेच जत, कवठेमहांकाळ या ठिकाणाहून ही चोरी केल्याचे सांगितले.. स्थानिक गुन्हे अन्वेषण विभागाने त्यांना ताब्यात घेतले आहे.. अधिक तपास पोलीस करीत आहेत.

Edited By : Siddharth Latkar