- सचिन बनसाेडे

Sangamner Krushi Utpanna Bazar Samiti Election Results : संगमनेर कृषी बाजार समितीच्या निवडणुकीत मंत्री राधाकृष्ण विखे-पाटील (radhakrishna vikhe patil) आणि काॅंग्रेसचे ज्येष्ठ नेते आमदार बाळासाहेब थाेरात (balasaheb thorat) यांच्या गटाला धक्का देत एक अपक्ष उमेदवारने बाजी मारली आहे. हमाल मापाडी संघात सचिन कर्पे हे अपक्ष उमेदवार विजयी झाले आहेत. (Breaking Marathi News)

नगर (Ahmednagar APMC Result) जिल्ह्यातील संगमनेर बाजार समितीच्या निवडणुकीचा आज (शनिवार) निकाल लागणार आहे. माजी महसुलमंत्री बाळासाहेब थोरात यांची आजतागायत एकहाती सत्ता असलेल्या संगमनेर बाजार समितीत विखे पाटलांनी थोरातांना आव्हान दिलेले आहे. या बाजार समितीत सत्तांतर होणार का ? याची उत्सुकता जिल्ह्यात लागून राहिली आहे.

दरम्यान सकाळी अकरा वाजेपर्यंत महाविकास आघाडीने 18 पैकी सात जागांवर यश मिळविले हाेते. या निवडणुकीत एका अपक्ष उमेदवाराने दाेन्ही मातब्बर नेत्यांच्या गटाला धक्का देत विजय मिळविला आहे.

हमाल मापाडी संघात अपक्ष उमेदवार सचिन कर्पे यांनी विजय मिळविला आहे. त्यांना 147 पैकी 90 मते मिळाली आहेत. थोरात आणि विखेंच्या लढतीत अपक्षाची बाजी मारल्याने सचिन कर्पेंची जिल्ह्यात जाेरदार चर्चा सुरु आहे. कर्पे यांनी निवडून आल्यानंतर महाविकास आघाडीला पाठिंबा देत असल्याचे जाहीर केले आहे.

Edited By : Siddharth Latkar