- सचिन बनसाेडे
Sangamner Krushi Utpanna Bazar Samiti Result : संगमनेर कृषी उत्पन्न बाजार समितीच्या निवडणुकीत काॅंग्रेसचे ज्येष्ठ नेते आमदार बाळासाहेब थाेरात (balasaheb thorat) यांच्या गटाने महसूलमंत्री राधाकृष्ण विखे-पाटील (radhakrishna vikhe patil) यांच्या गटाचा दारुण पराभव केला. या निवडणुकीत विखे-पाटील गटाला एक जागाही मिळवता आली नाही तर थाेरातांच्या गटाने सर्वच्या सर्व 18 जागांवर निर्विवाद वर्चस्व सिद्ध केले. (Breaking Marathi News)
माजी महसुलमंत्री बाळासाहेब थोरात यांची आजतागायत एकहाती सत्ता असलेल्या संगमनेर बाजार समितीच्या निवडणूकीत विखे पाटलांनी थोरातांना आव्हान दिले हाेते. त्यामुळे यंदा नगर (Ahmednagar APMC Result) जिल्ह्यातील संगमनेर बाजार समितीच्या निवडणुकीचा निकाल काय लागताे याची आज (शनिवार) उत्सुकता जिल्ह्याला लागून राहिली हाेती.
एकेक मतदारसंघातील निकाल हाती येऊ लागल्यानंतर बाजार समिती बाळासाहेब थाेरात यांच्याच ताब्यात राहणार असल्याचे चित्र स्पष्ट हाेत हाेते. दरम्यानच्या काळात एका अपक्ष उमेदवाराने दाेन्ही पॅनेलला दणका देत विजय मिळविला. त्यामुळे पुढील निकाल काय लागतात याकडे जिल्ह्यातील नागरिकांचे डाेळे आणि कान लागले हाेते.
दुपारी अडीचच्या सुमारास संगमनेर बाजार समितीवर यंदा देखील बाळासाहेब थोरातांचीच सत्ता राहिल्याचे स्पष्ट झाले. सर्वच्या सर्व 18 जागांवर थोरात गटाने निवडणूकीत विजय मिळविला. विखे पाटलांच्या गटास खातेही उघडता आले नाही. या निकालवरुन संगमनेरातील जनता थोरातांच्या पाठिशी असल्याचे दिसून आले. संगमनेर बाजार समितीवर थोरातांचा झेंडा फडकातच कार्यकर्त्यांनी जल्लोष केला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.