- गाेविंद साळूंखे

नगर : निळवंडे धरण येथील जलवाहिनी स्थलांतरित करण्याचे काम युद्धापातळीवर सुरू आहे. त्यामुळे येत्या गुरुवारपासून (ता.२१) संगमनेर शहरातील नागरिकांना एक दिवसा आड पाणी पूरवठा केला जाणार असल्याची माहिती संगमनेर sangamner पालिकेचे मुख्याधिकारी राहुल वाघ यांनी दिली.

वाघ म्हणाले निळवंडे धरणातून संगमनेर शहरास पाणीपुरवठा करणाऱ्या जलवाहिनीचे स्थलांतरित करण्याचे काम महाराष्ट्र जीवन प्राधिकरणाच्या माध्यमातून करण्यात येणार आहे. त्यासाठी युद्धपातळीवर हालचाली सुरु आहेत. हे काम सहा दिवस चालेला असा अंदाज आहे. त्यामुळे निळवंडे धरणातून संगमनेर शहराला केला जाणार पाणी पुरवठा तात्पूरता बंद ठेवण्यात येणार आहे.

दरम्यान नागरिकांनी पाण्याचा काटकसरीने वापर करावा असे आवाहन पालिकेच्या नगराध्यक्षा दुर्गाताई तांबे यांच्यासह उपाध्यक्ष आरिफ देशमुख, पाणीपुरवठा समिती सभापती मालती डाके यांनी केले आहे.