भंडारा - लिलाव न होता भंडारा जिल्ह्यात रोज कोट्यवधी रुपयांची रेती तस्करी सुरु असून उच्च न्यायालयाची स्थगिती असूनही रोज रेती तस्करी होत आहे. सरकारच्या हजारो कोटी रुपयांचा महसूल चोरीला जात आहे. भंडारा (Bhandara) जिल्ह्यातील पवनी तालुक्यात सर्वाधिक रेती तस्करी होत आहे. स्थानिक नेते आणि महसूल मंत्र्यांच्या आशिर्वादाने रेती तस्करी सुरु आहे असा आरोप भाजप नेते माजी मंत्री परिणय फुके यांनी केला आहे. (Bhandara Latest Marathi News)

हे देखील पाहा -

भंडारा जिल्ह्यातील रेती तस्करीच्या पुरावे विधानपरिषद सभापतींकडे दिले आहे. मात्र, अद्याप कारवाई झालेली नाही, याबाबत लवकरंच सभापतींची भेट घेणार असंही परिणय फुके यांनी सांगितला आहे. राज्यात सध्या महाविकास आघाडी सरकारविरोधात विविध घोटाळ्यांचे मुद्दे चांगलेच गाजता आहेत, आता परिणय फुके यांनी केलेल्या रेती तस्करीच्या आरोपामुळे विरोधकांना सरकारला घेरण्यासाठी आणखी एक मुद्दा मिळाला आहे.

Edited By - Shivani Tichkule