रामू ढाकणे
छत्रपती संभाजीनगर : नीट परीक्षेमध्ये उडालेल्या गोंधळानंतर राज्यभरासह संपूर्ण देशभरात नीटचा अभ्यास करणाऱ्या विद्यार्थ्यांमध्ये प्रचंड संतापाची लाट उसळली आहे. नीट परीक्षेमध्ये झालेल्या गैरव्यवहाराची चौकशी व्हावी. तसेच जिथे प्रश्नपत्रिका परीक्षेपूर्वीच बाहेर पसरली तेथे ही परीक्षा पुन्हा घेण्याचे आदेश द्यावेत; अशी विनंती करणारी याचिका मुंबई उच्च न्यायालयाच्या संभाजीनगरच्या खंडपीठात सादर करण्यात आली.
नीट परीक्षेचा (NEET Exam) निकाल नुकताच जाहीर करण्यात आला आहे. या परीक्षेत गैरव्यवहार झाल्याच्या प्रकारावरून विद्यार्थी चांगलेच आक्रमक झाले आहे. राज्यभरात ठीकठिकाणी विद्यार्थ्यांनी एकत्र येत निदर्शने देखील केली. या सर्व गदारोळात प्रामाणिकपणे अभ्यास करून परीक्षा देणाऱ्या विद्यार्थ्यांवर अन्याय झाल्याचा सूर आता उमटायला सुरुवात झाली. त्यामुळे नीट परीक्षेमध्ये झालेल्या गैरव्यवहाराची चौकशी व्हावी आणि जिथे प्रश्नपत्रिका परीक्षेपूर्वीच बाहेर पसरली तेथे ही परीक्षा पुन्हा घेण्याचे आदेश द्यावेत अशी विनंती करणारी याचिका मुंबई उच्च न्यायालयाच्या संभाजीनगर (Sambhajinagar) खंडपीठात सादर करण्यात आली.
१८ जूनला सुनावणी
खंडपीठात दाखल करण्यात आलेल्या याचिकेवर १८ जूनला सुनावणी होणार असून संपूर्ण विद्यार्थ्यांचे (Student) लक्ष आता या सुनावणीकडे लागले आहे. निकिता विजय खंदारे आणि इतर तिघांनी ऍड. रामाराव बिरादार यांच्यामार्फत ही याचिका दाखल केली आहे. दरम्यान नीट परीक्षेच्या निकालाची नियोजित तारीख १४ जूनला होती. मात्र तत्पूर्वीच हा निकाल जाहीर करण्यात आला असून हे सर्व संशयास्पद असल्याचही याचिकेत नमूद करण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.