Buldhana News : नेहमी वेगवेगळ्या वक्तव्यांनी वादग्रस्त राहिलेले व भीमा कोरेगाव प्रकरणातील संशयित आरोपी संभाजी भिडे (Sambhaji Bhide) यांनी महात्मा गांधी (mahatma gandhi) यांच्या विषयी एक वक्तव्य केले. त्यावरुन काँग्रेसने भिंडेंच्या विरोधात राज्यभरात निदर्शन केली. दरम्यान भिडेंना अटक हाेत नाही पर्यंत काँग्रेस आक्रमक पवित्र्यातच राहणार असं चिन्ह आजही आहे. (Maharashtra News)

संभाजी भिडे हे विदर्भाच्या दौऱ्यावर असताना त्यांना काँग्रेस, वंचित बहुजन आघाडी व माळी महासंघाच्या वतीने ठिकठिकाणी विरोध होताना दिसले. नागपूर, यवतमाळ, अमरावती, वाशीम, अकोला व आता बुलडाणा असे सहा जिल्ह्यात संभाजी भिडे यांनी दौरा केला.

आज विदर्भातील बुलडाणा जिल्ह्यातील खामगाव येथे त्यांची सायंकाळी विदर्भ दाै-यातील शेवटची सभा होणार आहे. ही सभा उधळून लावण्याचा इशारा वंचित बहुजन आघाडीने दिला आहे. त्यामुळे आज सायंकाळी हाेणा-या पाचच्या सभेकडे जिल्हावासियांचे लभ लागून राहिले आहे.

दरम्यान संभाजी भिडे यांचे आज (साेमवार) सकाळी बुलडाणा जिल्ह्यात पोलिस संरक्षणात प्रवेश झाला. भिडे हे शेगाव येथील संत गजानन महाराज मंदिरात आले हाेते. त्यांनी संत गजानन महाराज समाधीचे यांचे दर्शन घेतले. यावेळी मंदिर परिसरात पोलिसांचा कडक बंदोबस्त हाेता.

संभाजी भिडे यांनी मौन व्रत धारण केले हाेते. श्री गजानन महाराज समाधीचे दर्शन घेतल्यावर ते मौन व्रत सोडणार असे धारक-यांनी सांगितले. दरम्यान भिडे हे दर्शनानंतर खामगावला रवाना झाले.

दूसरीकडे खामगावात संभाजी भिडे यांना काळे झेंडे दाखवण्याच्या तयारीत असलेल्या राष्ट्रवादीच्या पदाधिकाऱ्यांना पोलिसांनी ताब्यात घेतले. राष्ट्रवादी काँग्रेसचे जिल्हा सचिव माधव पाटील यांच्यासह दोन-तीन कार्यकर्त्यांना खामगाव पोलिसांनी ताब्यात घेतले.

Edited By : Siddharth Latkar