Sahakar Parishad: सकाळ माध्यम समूहाच्या वतिने बँकींग व साखर उद्योगासाठी सहकार महापरिषदेचे आयोजन करण्यात आले आहे. या परिषदेत बोलताना उपमुख्यमंत्री देवेंद्र फडणवीस यांनी केंद्रीय गृहमंत्री आणि सहकारीता मंत्री अमित शाह यांचे आभार मानले.

देवेंद्र फडणवीस यांनी यावेळी अमित शाह यांचा उल्लेख भारत सरकारचे कर्मठ आणि कर्तव्यनिष्ठ गृहमंत्री असा केला, तर एकनाथ शिंदे यांचा लोकप्रिय मुख्यमंत्री असा उल्लेख केला. फडणवीस म्हणाले, गेल्या काही वर्षात सहकार क्षेत्राची भरभराट झाली. अमित शाह यांनी चांगले निर्णय घेतलेत. (Latest Marathi News)

अमित शाह हे सहकार क्षेत्रातील नेतृत्व आहे. त्यांच्या सुरूवातीचा काळात त्यांनी जिल्हा बँक सांभाळली आहे. त्यामुळे आम्ही जेव्हा सहकार क्षेत्रातल्या अडचणी घेऊन जात होतो तेव्हा त्यांनी तातडीने उपाययोजना केल्या. सहकारी कारखान्यावर टांगती तलवार होती. कोर्टात अडचणी होत्या, तेव्हा त्यांनी तातडीने निर्णय घेऊन प्रश्न संपवला. (Latest Political News)

सहकार मंत्री ते आत्ता झाले पण ग्रुप ऑफ मिनिस्टरचे प्रमुख ते कायमच होते. सहकार ताठ मानेने उभा आहे, कारण त्यांनी निर्णय घेतले. या सर्व निर्णयासाठी त्यांचे आभार असे देवेंद्र फडणवीस म्हणाले. यावेळी फडणवीस यांनी सकाळ समूहाचे देखील कौतुक केले. सकाळ समूहाने आयोजित केलेल्या या सहकार परिषदेची प्रशंसा करत फडणवीस यांनी समूहाच्या कार्याचे कौतुक केले.