अभिजीत देशमुख, साम टीव्ही

महाराष्ट्र विधानसभा निवडणुकीचा निकाल उद्या जाहीर होणार आहे. राज्यातील कल्याण ग्रामीण विधानसभा मतदारसंघाच्या निकालाकडे साऱ्यांचं लक्ष असणार आहे. या मतदारसंघात मनसेकडून राजू पाटील आणि ठाकरे गटाकडून सुभाष भोईर यांच्यात प्रमुख लढत पाहायला मिळत. या लढतीत मनसेचे राजू पाटील यांची वर्चस्व पाहायला मिळत आहे.

मागील निवडणुकीत मनसेचा एकमेव आमदार जिंकला आला होता. यावेळेस देखील मनसेने राजू पाटील यांना संधी दिली. सकाळ समूहाच्या एक्झिट पोलनुसार, यंदाही या विधानसभा निवडणुकीत मनसेचे राजू पाटील यांचं पारडं जड असल्याचे चित्र आहे. ठाकरे गटाचे सुभाष भोईर देखील पिछाडीवर असल्याचे दिसत आहे. त्यामुळे कल्याण ग्रामीणचे संभाव्य आमदार राजू पाटील असू शकतात.

कल्याण ग्राणीण विधानसभा मतदारसंघात हायव्होल्टेज लढत पाहायला मिळत आहे. मनसेचे राजू पाटील यंदा दुसऱ्यांना निवडणुकीसाठी मैदानात उतरले आहेत. राजू पाटील यांच्यासमोर ठाकरे गटाचे सुभाष भोईर यांना संधी देण्यात आली. शिंदे गटानेही या मतदारसंघात उमेदवार देण्यात आला होता. राजेश मोरे यांना उमेदवारी देण्यात आली. या तिन्ही पक्षांनी ही निवडणूक प्रतिष्ठेची कोली होती. या मतदारसंघात राज ठाकरे यांनी दोन वेळा सभा घेतली होती.

मनसेने प्रचाराचा धुरळा या मतदारसंघात उडवला होता. दुसरीकडे ठाकरे गटानेही प्रचारासाठी चांगली मेहनत घेतली होती. ठाकरे गटाचे वरिष्ठ नेत्यांची फौज या मतदारसंघात उतरली होती. सुभाष भोईर हे माजी आमदार आहेत. त्यामुळे त्यांचीही या मतदारसंघावर पकड पहायला मिळत आहे.