Sangli News : सांगली जिल्ह्यातील जत तालुक्यात बसर्गी ते बिळूर मार्गे एका चारचाकी गाडी चालकाने अचानक ब्रेक लावल्याने एका परिचारिकेचा डांबरी रस्त्यावर डोके आपटून जागीच मृत्यू झाला. रूपाली तानाजी जाधव- सुर्वे (rupali tanaji jadhav- surve) (वय 35) असे मृत परिचारिकेचे नाव आहे. (Maharashtra News)

रूपाली जाधव या बसर्गी प्राथमिक आरोग्य केंद्रात परिचारिका म्हणून काम करत होत्या. त्या एका चारचाकीतून कामावरून जतकडे येत असताना बसर्गी जवळ चालकाने अचानक ब्रेक लावल्याने त्यांचा तोल गेला. त्या रस्त्यावर पडल्या. त्यांच्या डोक्याला गंभीर मार लागला.

या घटनेनंतर गाडी चालकाने रुपाली यांना प्राथमिक आरोग्य केंद्रात उपचारार्थ दाखल केले. तेथे त्यांच्यावर प्राथमिक उपचार करण्यात आले. त्यानंतर पुढील उपचारासाठी त्यांना जत येथे खाजगी रुग्णालयात नेण्यात आले. तेथे त्या मयत झाल्याचे डॉक्टरांनी सांगितले. दरम्यान साेमवारी सायंकाळी या घटनेची जत पोलीस ठाण्यात नोंद झाली आहे.

Edited By : Siddharth Latkar