अहमदनगर : डॉ. बाबासाहेब आंबेडकर जयंतीनिमित्त देशभरात अभिवादन करण्यात आलं ठिकठिकाणी कार्यक्रमाचे आयोजनही करण्यात आलं होतं. मात्र, अहमदनगरच्या (Ahmednagar) संगमनेरमध्ये आंबेडकर जयंतीला गालबोट लागल्याचं समोर आल आहे. शहरातून निघालेल्या शोभायात्रेत शेकडो जणांच्या टोळक्यांनी शांततेत सुरू असलेल्या शोभायात्रेमध्ये धुडगूस  हुल्लडबाजी करत उत्साहात सुरू असलेल्या शोभायात्रेत तुफान घोषणा देण्यास सुरुवात केल्याने वातावरण तणावपूर्ण बनले होते घटनास्थळी पोलीस (Police) दाखल होत परिस्थिती नियंत्रणात आणली.

संगमनेर (Sangamner) येथील संघर्ष तरुण मंडळाने सायंकाळी शोभायात्रेचे आयोजन केले होत सदरची शोभायात्रा मुख्य रस्त्यावरील श्रीकृष्ण मंदिराच्या परिसरात आली असता अचानक जवळ असलेल्या गल्लीतून शंभर ते सव्वाशे तरुणांनी शोभायात्रेत घुसून जोरदार घोषणा देण्यास सुरुवात केली.

सदरची घटना पोलिसांना कळताच घटनास्थळी पोलीस उपाधीक्षक राहुल मदने दाखल होत शोभायात्रेत घुसलेल्या तरुणांना पोलिसांनी हुसकावले शोभायात्रा मार्गस्थ झाल्यानंतर CCTV आणि मोबाईलच्या आधारे धुडगूस घालणाऱ्या तरुणांची पोलिसांनी धरपकड सुरू केली पोलिसांनी दोन तरुणांना ताब्यात घेतल असून १२५ तरुणावर अॅट्रॉसिटी अंतर्गत संगमनेर शहर पोलिसात गुन्हा दाखल करण्यात आला आहे.

Edited By - Jagdish patil