Ravikant Tupkar on Chief Minister Eknath Shinde: राज्यात अवकाळी पावसानं थैमान घातलेलं असताना मुख्यमंत्री आणि उपमुख्यमंत्री अयोध्या दौऱ्यावर आहेत. त्यामुळे या दौऱ्यावर विरोधकांकडून जोरदार टीका केली जात होती. स्वाभिमानी शेतकरी संघटनेचे नेते रविकांत तुपकर यांनी मुख्यमंत्र्यांची तुलना रोमच्या राजाशी करत या दौऱ्यावर टीका केली आहे.

रोम जळत असताना रोमचा राजा बिगुल वाजवत बसला होता, तशी अवस्था महाराष्ट्राची झाली आहे अशी टीका रविकांत तुपकर यानी केली आहे. ते म्हणाले, वादळी वाऱ्यासह गारपीट आणि अवकाळी पावसाने शेतकऱ्यांचे प्रचंड नुकसान झाले आहे. दुसरीकडे मुख्यमंत्री महोदय अनेक आमदारांना घेऊन अयोध्या दौऱ्यावर गेले आहेत. हे अयोध्याचे दर्शन उशिरा सुद्धा घेता आल असतं. पण आज महाराष्ट्रातील (Maharashtra Politics) शेतकऱ्यांना आधार देण्याचं काम सरकारच होतं.

अयोध्येला पुढच्या महिन्यात जाता आलं असतं

रविकांत तुपकर म्हणाले, "पंचनामे करून शेतकऱ्यांना मदत करण हे सरकारच काम होत. अन्नदाता हा साक्षात परमेश्वर आहे. जिवंत माणसं सोडायची अन देवाच्या दर्शनाला पळायचं यापेक्षा अयोध्येचं दर्शन पुढच्या महिन्यात घेतलं असतं तरी चाललं असतं. आज महाराष्ट्रातील शेतकऱ्यांना जिवंत ठेवणे हे खऱ्या अर्थाने सरकारचं काम होत."

शेतकऱ्यांना तातडीने मदत द्या अन्यथा...

सरकारण पूर्णपणे शेतकऱ्याला वाऱ्यावर सोडलं आहे. तातडीने या शेतकऱ्यांच्या नुकसानीचे पंचनामे करा आणि आर्थिक मदत द्या अशी मागणी देखील तुपकर यांनी केली आहे. ते म्हणाले, आक्टोबर आणि सप्टेंबरची नुकसान भरपाईची मदत अद्याप मिळाली नाही. ती मदत ताबोडतोब द्या आणी आठ दिवसाच्या आत शेतकऱ्यांना मदत द्या अन्यथा पुन्हा एकदा शेतकऱ्याच्या आक्रमक आंदोलनाला सामोरे जाव लागेल, असा ईशारा देखील शेतकरी नेते रविकांत तुपकर यांनी सरकारला दिला आहे. (Latest Marathi News)

Edited By - Chandrakant Jagtap