Narayan Rane News : महाराष्ट्राचे सरकार औट घटकेचे राहिले आहे. या सरकारचा लवकरच पाणउतारा हाेईल असा विश्वास खासदार विनायक राऊत यांनी रत्नागिरी येथे माध्यमांशी बाेलताना व्यक्त केला. दरम्यान नारायण राणे यांना दुस-यांना शिव्या घालण्यापेक्षा काही येत नाही अशी टीका खासदार राऊत यांनी नारायण राणेंवर केली.

(Maharashtra News)

खासदार विनायक राऊत म्हणाले सामना वाचल्याशिवाय देशाचे राजकारण चालत नाही. हे सर्वांना माहित आहे. नारायण राणेंची कुल्हेकुई गेली अनेक वर्ष सुरु आहे. काही वर्षांपुर्वी नारायणे राणेंनी नरेंद्र माेदी यांना अरे तुरे केले, त्यांचे वाभाडे काढले हाेते. त्यांची भकवासगिरी आम्ही अनेक वर्षांपासून पाहत आहे.

साेनिया गांधी (sonia gandhi), उद्धव ठाकरे (uddhav thackeray), अमित शहा (amit shah) यांना नारायण राणेंनी शिव्या घातल्या. नारायण राणेंनी आजपर्यंत भुंकण्याचे काम केले आहे. त्यांचे बाकी काही काम नाही. बाळासाहेब ठाकरेंच्या पाठबळावर नरेंद्र माेदींपासून (narendra modi) आशिष शेलार (ashish shelar) यांचे नेतृत्व घडल्याचे खासदार विनायक राऊत यांनी नमूद केले. ते म्हणाले आत्ताचे महाराष्ट्राचे सरकार औट घटकेचे राहिले आहे.

आगामी काळात सर्वाच्च न्यायालयाचा निकाल येईल. त्यानंतर राजकाराणाची दिशा बदलेल असा विश्वास खासदार विनायक राऊत यांनी व्यक्त केला. ते म्हणाले हऩुमंताने नारायण राणेंना सुबुद्धी द्यावी. पुढचा मार्ग कसा चालावा याची दिशा हनुमंताकडून त्यांनी घ्यावी असेही राऊतांनी नमूद केले.

Edited By : Siddharth Latkar