रत्नागिरीमध्ये मुंबई-गोवा महामार्गावरील परशुराम घाटात कंटेनरला अपघात झाल्याची घटना समोर आली आहे. या अपघातामुळे परशुराम घाटामध्ये वाहतूक ठप्प झाली आहे. परशुराम घाटातील एक मार्गिका वाहतुकीसाठी यापूर्वीच बंद होती. या अपघातामुळे सध्या परशुराम घाटात मोठ्या प्रमाणामध्ये वाहतूक कोंडी झाली आहे. अपघाताची माहिती मिळताच महामार्ग पोलिसांनी घटनास्थळी धाव घेतली आहे.

मिळालेल्या माहितीनुसार, परशुराम घाटातील एका लाईनवरती अरुंद रस्त्यामुळे ट्रकचा अपघात झाल्यामुळे एक लाईन पूर्णपण बंद झाली आहे. तर दुसरी लाईन रस्ता क्रॅक झाल्यामुळे गेल्या १५ दिवसापासून बंद आहे. यामुळे सध्या परशुराम घाटात वाहतूक कोंडी झाली आहे. वाहनांच्या तीन ते चार किलोमीटर पर्यंत लांबच लांब रांगा लागल्या आहेत. त्यामुळे प्रवाशांचे हाल होत आहे. एकाच ठिकाणी अडकून राहिलयामुळे प्रवाशांना प्रचंड त्रास होत आहे.