Ratnagiri News:

रत्नागिरीतील लांजा येथून एक धक्कादायक घटना समोर आली आहे. प्रेयसीकडून होत असलेल्या त्रासाला कंटाळून प्रियकराने तिची हत्या केलीये. जुलै महिन्यात आरोपीने हत्येचा कट रचला होता. तीन महिन्यांपासून सुरू असलेल्या पोलीस तपासाला आता यश आलं आहे. आरोपी प्रियकर सध्या पोलिसांच्या ताब्यात आहे. (Latest Marathi News)

पोलिसांनी दिलेल्या माहितीनुसार, कोंड्ये येथील वैशाली (वय ४८) असं मृत महिलेचं नाव आहे. आरोपीने मोठ्या शिताफीने संपूर्ण हत्येचा कट रचला होता. महिलेचे आणि आरोपीचे एकमेकांवर प्रेम होते. गेल्या काही दिवसांपासून त्यांच्यात वाद सुरू होता. २८ जुलैला या दोघांचे कॉलवर तसभर बोलणे झाल्याचे पोलिसांना तपासात समजले होते.

पुढे २९ जुलै रोजी महिला मी दवाखाण्यात जाते असे सांगून घराबारे पडली होती. मात्र ती दवाखाण्यात न जाता प्रियकराला भेटली. प्रियकराला भेटल्यानंतर तिने पैशांची मागणी केली. या मगणीला कंटाळून प्रियकराने तिला जंगल परिसरात नेले आणि तिची हत्या केली.

घटनेता तपास सुरू असताना आरोपी खरं सांगण्यास आणि आपला गुन्हा कबूल करण्यास तयार नव्हता. अखेर गावातील एका व्यक्तीने पोलिसांना आरोपी आणि गायब असलेली विवाहीत महिला जंगलाच्या दिशेने गेले होते असं सांगितलं. पोलिसांनी पुन्हा एकदा तपास केला असता जंगलात महिलेच्या काही वस्तू सापडल्या. त्यानंतर या हत्येचा उलगडा झाल्याचं पोलिसांनी म्हटलं आहे.

मृत महिला बेपत्ता झाल्यानंतर ती घरी न आल्याने तिच्या पतीने पोलिसांत तक्रार दाखल केली होती. तसेच राजेंद्रवर देखील महिलेच्या पतीनेच संशय व्यक्त केला होता. त्यानुसार पुढे तीन महिन्यांनी या घटनेचा उलगडा झालाय.