जालना- रोहणवाडी Rohanvadi रस्त्यावरील कुंडलिका नदीवर Kundalika river लवकरात लवकर पूल बांधण्यात यावा या मागणीसाठी राष्ट्रीय समाज पक्षाच्या वतीने आज जालन्याजवळील Jalna रोहणवाडी पुलावर नदीच्या पाण्यात आंदोलन करण्यात आले. या आंदोलनात राष्ट्रीय समाज पक्षाचे कार्यकर्ते सहभागी झाले होते. यावेळी कुंडलिका नदीवर नवीन पूल बांधण्याची मागणी आंदोलन करण्यात आली.

हे देखील पहा -

आंदोलना दरम्यान पोलिसांनी बंदोबस्त ठेवला होता. कुंडलिका नदीला पूर आल्यानंतर जालना - रोहणवाडी रस्त्यावरील या पुलावरून सातत्याने वाहतूक बंद करावी लागते.सध्याही कुंडलिका नदीवरील या पुलावरुन पाणी वाहत असल्याने नाहक त्रास सोसावा लागत आहे. त्यामुळे ग्रामस्थांचा खोळंबा होतो. पण या समस्येकडे प्रशासन आणि लोकप्रतिनिधी दुर्लक्ष करत असल्याने पुलांचं काम रखडल आहे.

दरम्यान, या आंदोलनावेळी एक दुचाकी चालक पुलावरील वाहत्या पाण्यातून दुचाकी घेऊन जाताना दुचाकीसह वाहून जात होता. पोलीस, आंदोलक आणि नागरिकांनी धावत जाऊन या दुचाकीचालकाला पकडले त्यामुळे वाहून जाता-जाता तो वाचला. दरम्यान पुलाचे काम न केल्यास कुंडलिका नदीत जलसमाधी घेण्याचा इशारा आंदोलकांनी दिला आहे.

Edited By - Shivani Tichkule