Jintur News : जिंतूर शहरात अनेक दिवसांच्या विश्रांतीनंतर जोरदार पावसाने आगमन केले. बघता पाणीच पाणी झाल्याने शहरातील पोलीस वसाहतीच्या अनेक पोलीस कर्मचाऱ्यांच्या घरांमध्ये नालीचे घाण पाणी शिरल्याने कर्मचाऱ्यांच्या वतीने संताप व्यक्त केला जात होता. (Maharashtra News)

परभणी शहरासह जिल्हात मोठ्या प्रमाणात पाऊस झाला. सेलू, जिंतूर, मानवत व पाथरी तालुक्यात पावसाने जोरदार हजेरी लावली. सर्वाधिक पाऊस सेलू व जिंतूर तालुक्यात पडल्याने नदी, नाले ओढे हे पावसाळ्यात पहिल्यांदाच प्रवाहित झाले. या पावसाने खरीप पिकांना जीवदान मिळाले असून जनावरांच्या चाऱ्याचा व पिण्याचा पाण्याचा प्रश्न काहीअंशी सुटला आहे.

जिंतूर शहरात नालीचे पाणी शहरातील पोलीस वसाहतीत असलेल्या अनेक पोलीस कर्मचा-यांच्या घरात सणासुदीच्या काळात शिरले. यामुळे घरात घाणे घाण झाली हाेती. तसेच वसाहतीत छोटे मंदिर असून त्या परिसरात देखील नाल्यांचे पाणी साचले. संपुर्ण परिसरात गुडघा भर पाणी साचल्याने नागरिकांना घाण पाण्यातून ये जा करावी लागली. त्यातच घाणीचे पाणी साचल्याने या परिसरात दुर्गंधी पसरली.

Edited By : Siddharth Latkar