सचिन कदम, साम टीव्ही

रायगड जिल्‍हा परिषद अपहार प्रकरणाची मोठी अपडेट समोर आली आहे. कोट्यवधींच्या अपहार प्रकरणातील मोठा ट्विस्ट निर्माण झाला आहे. या प्रकरणातील आरोपीने आत्‍महत्‍या केली आहे. ज्‍योतिराम वरूडे याने विष पिऊन आत्महत्या केली. ज्योतिराम याच्या आत्महत्येने परिषदेच्या प्रशासकीय वर्तुळात मोठी खळबळ उडाली आहे.

रायगड जिल्‍हा परिषदेतील विद्यानगर येथे आरोपी ज्‍योतिराम वरूडे याने विष पिऊन आयुष्य संपवलं. आरोपीने जिल्‍हा परीषद कर्मचाऱ्यांच्‍या वेतन फरकातील कोट्यवधी रूपयांचा अपहार केला होता. आरोपीने विद्यानगर येथील मेहुण्‍याच्‍या घरी त्‍याने आपले जीवन संपवलं.

काय आहे प्रकरण?

मिळलेल्या माहितीनुसार, रायगड जिल्हा परिषदेच्या महिला आणि बाल विकास विभागात कोट्यवधी रुपयांचा आर्थिक अपहार प्रकरणातील मुख्य आरोपी होता. ज्योतिराम वरुडे, नाना कोरडे आणि महेश मांडवकर या तिघांविरोधात गुन्हा दाखल करण्यात आला.

या तिघांनी रायगड जिल्हा परिषदेच्या कर्मचाऱ्यांच्‍या वेतनातील फरकाची रक्‍कम परस्‍पर आपल्‍या आणि जवळच्‍या व्‍यक्‍तींच्‍या बँक खात्‍यावर जमा केली होती. हे प्रकरण उघडकीस आल्‍यापासून ज्‍योतिराम वरूडे मानसिक तणावाखाली होता, असं सांगितलं जातंय.