सचिन बनसोडे 
राहाता (अहमदनगर) : रस्त्याने जात असलेल्या कंटेनरला विद्युत तारेचा स्पर्श झाला. यामुळे गाडीत विद्युत प्रवाह (Electric Shock) उतरल्याने त्याचा झटका बसल्याने कंटेनरमधील क्लिनरचा (Ahmednagar) जागीच मृत्यू झाला. (Breaking Marathi News)

शिर्डी बायपास रस्त्यावर सदर घटना घडली आहे. शिर्डी बायपास रस्त्यावरून जाणाऱ्या मालवाहू कंटेनरच्या क्लिनरला महावितरणच्या (Mahavitaran) विद्युत तारांचा करंट लागून मृत्यू झाल्याची दुर्दैवी घटना घडली आहे. रस्त्यावर वाहनांची वरदळ असताना या रस्त्यावर विद्युत तारा लोम्बकळलेल्या आहेत. महावितरणने लवकरात लवकर विद्युत वाहक तारांची समस्या सोडवली नाही तर स्थानिकांनी आंदोलनाचा इशारा दिला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पंधरा दिवसातील दुसरी घटना 

शिर्डी (Shirdi) बायपास रस्त्यावरील खडकेवाके गावानजीक लोंबलेल्या अवस्थेतील विद्युत तारांमुळे वाहनात करंट उतरण्याची पंधरा दिवसातील ही दुसरी घटना आहे. याबाबत महावितरणला तक्रार दिल्यानंतर देखील यात दुरुस्ती होत नसल्याचे चित्र आहे.