सातारा : सातारा (satara) जिल्ह्यात शिवसेनेची (shivsena) गळती थांबायचं काही नाव घेत नाहीये. काही दिवसांपूर्वी साताऱ्यात मोठ्या प्रमाणात शिवसैनिकांनी मुख्यमंत्री एकनाथ शिंदेंना (eknath shinde) पाठींबा दर्शवला होता. आता विविध तालुक्यातील पदाधिकारी सुद्धा शिवसेनेला जय महाराष्ट्र करताना दिसत आहेत. (Satara Latest Marathi News)

शिवसेना नेते पुरुषोत्तम जाधव यांनी शिरवळ येथील पदाधिकाऱ्यांची नुकतीच बैठक घेतली. त्यावेळी शिवसेनेचे आजी - माजी अनेक पदाधिकारी उपस्थित होते. या बैठकीला दूरध्वनीवरून विधानसभेचे प्रताेद शिवसेना नेते आमदार भरत गोगावले यांनी थेट शिवसैनिकांशी संवाद साधला.

यावेळी पुरुषोत्तम जाधव यांनी जिल्हयात प्रस्थापितांच्या विरोधात लढा उभा करायचा आहे. त्यासाठी शिवसैनिकांना ताकद मिळणे गरजेचे आहे. मी स्वार्थासाठी राजकारणात आलो नाही. सामान्य शिवसैनिकाला न्याय देण्यासाठीच शिंदे गटाची बांधणी करणार असल्याचे जाधव यांनी स्पष्ट केले.

Edited By : Siddharth Latkar