शिक्षणाचं माहेरघर असणाऱ्या पुण्यात आता पेन-पेन्लिस ऐवजी कोयते सुरे उघड उघड एकमेंकाचे गळे चिरू लागलेत. होय शिक्षणाचं माहेरघर असलेल्या पुणे जिल्ह्यातल्या राजगुरूनगरमध्ये एका खासगी क्लासेसमध्ये वर्ग सुरू असताना एका 10 वीच्या विद्यार्थ्याची थेट गळा चिरुन हत्या करण्यात आलीये. पुण्यात गँगवार, कोयता गँग, चड्डी गँग काही आता नवीन राहिलेलं नाही...मात्र आता हा रक्तरंजित गुन्ह्यांचा थरकाप उडवणारा नंगानाच थेट लहानग्यांचा वर्गात जाऊन पोहचलाय...

राजगुरूनगरमधील संस्कार या खासगी क्लासेसमध्ये काही दिवसांपूर्वी या मुलांमध्ये थेट क्लासमध्येच वाद झाल्याचा आरोप मृत विद्यार्थ्याच्या वडिलांनी केलाय. मात्र यासंदर्भात क्लासेसवाल्यांनी कोणतीही कल्पना दिली नसल्याचाही दावा वडिलांनी केलाय.

जर या वादासंबंधी क्लासचालकांनी आधीच संबंधीत पालकांना माहिती दिली असती तर हा वाद हत्येपर्यंत गेला नसता आणि या तरुण मुलाचा जीव वाचला असता. मात्र आता थेट अल्पवयीन मुलंही हत्येसारख्या गंभीर गुन्ह्याकडे सर्वास वळतायत...कारण पोलिसांचा धाक उरला नसल्याचंच हे चित्र आहे. मात्र पुण्यातल्या या घटनेमुळे

कायदा सुव्यवस्थेची लक्तरं वेशीला टांगली गेली आहेत एवढं नक्की..