पुणे : पुणे हे विद्येचं माहेरघर म्हणण्याऐवजी गुन्हेगारीचं माहेरघर म्हणण्याची वेळ आता आलीय असं वाटतंय. पिंपरी-चिंचवड शहरात देखील असंच काहीसं चित्र पाहायला मिळत आहे. मात्र, याला चक्क एक पोलीस शिपाई अपवाद ठरला आहे. पिंपरी-चिंचवड आयुक्तालयाच्या पोलीस शिपायाने आपल्या वाढदिवसाचे जंगी सेलिब्रेशन केल्याचा प्रकार समोर आला आहे. धक्कादायक बाब म्हणजे, या पोलिसाच्या वाढदिवसाला चार म्हणजेच कुख्यात गुन्हेगारांनी देखील उपस्थित असल्याचं समोर आलं आहे.

प्रवीण पाटील असं या पोलीस शिपायाचं नाव असल्याचं समोर आलं आहे. या पोलीस शिपायाच्या वाढदिवसाचे शूटिंग चक्क ड्रोन कॅमेऱ्यातून करण्यात आल्याची माहिती आहे. याचा व्हिडिओ सध्या सोशल मीडियावर व्हायरलं झाल्यानंतर हा संपूर्ण प्रकार समोर आला आहे. त्यामुळे पुणे पोलीस पुन्हा एकदा चर्चेत येऊ लागले आहेत. त्यामुळे पिंपरी-चिंचवडचे दबंग पोलीस आयुक्त विनायकुमार चौबे यावर कोणती कारवाई करतात? हे पाहणं आता महत्वाचं ठरणार आहे.

मिळालेल्या माहितीनुसार, प्रवीण पाटील यांचा गुरुवारी (६ मार्च) रोजी वाढदिवस होता. त्यामुळे पाटील यांचा वाढदिवस साजरा करण्यासाठी सांगवी पोलीस ठाण्यासमोर त्यांची मित्र मंडळी जमा होऊ लागली. त्यामध्ये पोलीस ठाण्यातील इतर काही सहकारी देखील सहभागी झाले होते. वाढदिवसाला केक, आकर्षक फटाके, ड्रोन शूट या सगळ्या गोष्टींची सोय करण्यात आली होती.

५ मार्चला रात्री १२ वाजता प्रवीण पाटील यांच्या वाढदिवसाचं सेलिब्रशन सुरु झालं. यावेळी दोघांनी फायरगन बाहेर काढली, फटाक्यांची आतिषबाजी होऊ लागली. या सर्व गोष्टींचं ड्रोनद्वारे शूट करण्यात आलं. सर्व मित्र मंडळींनी याचे स्टेट्स ठेवले. याचे व्हिडिओ सोशल मीडियावर व्हायरल झाले. प्रवीण पाटील यांनी केलेल्या सेलिब्रेशची सध्या सोशल मिडियावर चांगलीच रंगली चर्चा आहे.