Mahabaleshwar Traffic Diversion News : महाबळेश्वर आणि पाचगणीला येणाऱ्या पर्यटकांसाठी मोठी बातमी. आता या दोन्ही पर्यटन ठिकाणावर यायचं असेल तर वाहतूक व्यवस्थेत जिल्हा पोलिस प्रमुख समीर शेख यांनी मोठा बदल केला आहे. त्याची अंमलबजावणी आजपासून (ता. 7) 25 जून पर्यंत प्रायाेगिकतत्वावर करण्यात आली आहे. त्याबाबतचे आदेश एसपी समीर शेख यांनी दिले आहेत. (Maharashtra News)

महाबळेश्वर आणि पाचगणी या दाेन्ही शहरांत पर्यटकांना वाहतूकीच्या कोंडीला सातत्याने सामाेरे जावे लागत आहे. त्यामुळे या समस्येवर कायम स्वरुपी उपाय याेजना काढण्यासाठी प्रशासनाने हालचाली सुरु केल्या आहेत.

त्यासाठी आजपासून (7 जून ते 25 जून) प्रत्येक शुक्रवार,शनिवार आणि रविवारी प्रायोगिक तत्वावर राबविण्यात येणा-या नव्या मार्गाचा महाबळेश्वर आणि पाचगणीला जाणा-या पर्यटकांना वापर करावा लागणार आहे. या नवीन निर्णयाचा वाहतूक व्यवस्थेवर किती परिणाम होतो हे पाहून आगामी काळात महत्त्तवपूर्ण निर्णय घेतला जाण्याची शक्यता आहे.

वाहतूक व्यवस्थेत बदल

मुंबई आणि पुण्याकडून येणाऱ्या वाहनांनी वाईमार्गेच प्रवास करावा.

महाबळेश्वरहून येणाऱ्या वाहनांनी या रस्त्याचा वापर करु नये. मेढा, कुडाळ पाचवड फाटा या रस्त्याचा वापर करुन महामार्गाला जावे.

पाचगणी कडून पुणे मुंबईला जाणाऱ्या वाहनांसाठी रुईघर, कुडाळ, पाचवड फाटा मार्गे महामार्गाला जावे.

महाबळेश्वर कडून कोल्हापूरकडे जाणाऱ्या वाहनांनी मेढा, सातारा मार्गे जावे.

Edited By : Siddharth Latkar