Ratnagiri News  Saam tv
महाराष्ट्र

Mumbai - Goa Highway : मुंबई–गोवा महामार्गावर भीषण अपघात; सुदैवाने मोठी दुर्घटना टळली

Ratnagiri News : मुंबई–गोवा महामार्गावर रत्नागिरी जिल्ह्यातील सावर्डे येथे पहाटे खासगी बसचा अपघात झाला. बस विद्युत पोल तोडत बाजारपेठेत घुसली. मात्र सुदैवाने कोणतीही जीवितहानी झाली नाही.

Alisha Khedekar

  • सावर्डे बाजारपेठेत खासगी बस घुसली; विद्युत पोल कोसळून दुकाने उद्ध्वस्त

  • अपघात पहाटे ४:१५ वाजता झाला, सुदैवाने बस रिकामी असल्याने जीवितहानी नाही

  • गणेशोत्सवाच्या पार्श्वभूमीवर कोकणात प्रवासात अपघातांचे सत्र सुरूच

  • स्थानिक बाजारपेठेत भीतीचे वातावरण, मात्र मोठी दुर्घटना टळली

मुंबई–गोवा महामार्गावर पुन्हा एकदा अपघाताची घटना घडली आहे. रत्नागिरी जिल्ह्यातील सावर्डे बाजारपेठ बस स्थानक परिसरात आज पहाटे खासगी बसचा भीषण अपघात झाला. बसचालकाचे वाहनावरील नियंत्रण सुटल्याने हा अपघात झाल्याचे म्हटले जात आहे. सुदैवाने या अपघातात कोणतीही जीवित हानी झालेली नाही.

मिळालेल्या माहितीनुसार, रत्नागिरी जिल्ह्यातील सावर्डे बाजारपेठ बस स्थानक परिसरात आज पहाटे साधारण ४:१५ वाजण्याच्या सुमारास खासगी बसचालकाचे वाहनावरील नियंत्रण सुटले आणि बस थेट महामार्गाच्या कडेला असलेल्या एका विद्युत पोलवर जाऊन आदळली. या जोरदार धडकेत विद्युत पोल कोसळला आणि बस पुढे घसरत जाऊन थेट बाजारपेठेतील दुकानात घुसली. या घटनेचा सीसीटीव्ही फुटेज समोर आले आहे.

या भीषण अपघातात बसचा पुढील भाग पूर्णपणे विद्रूप झाला आहे. स्थानिक दुकानाचेही नुकसान झाले आहे. सुदैवाने ही बस रिकामी होती. तसेच अपघाताची वेळ पहाटेची असल्याने बाजारपेठेतील सर्व दुकाने बंद होती आणि रस्त्यावरील वाहतूकही कमी होती. त्यामुळे सुदैवाने कोणतीही जीवितहानी झाली नाही, अन्यथा हा अपघात आणखी गंभीर ठरला असता.

सध्या गणेशोत्सव सुरु असल्याने मोठ्याप्रमाणावर कोकणवासीय मुंबईहून कोकणात गेले आहेत.मुंबई गोवा महामार्गावरून प्रवास करताना कोकणवासीयांना मोठ्या प्रमाणावर खड्ड्यांना समोरे जावे लागले. अशातच मुंबई–गोवा महामार्गावरील अपघातांचे सत्र कायम सुरु आहे. सुदैवाने ही घटना पहाटेच्या वेळी घडली, अन्यथा बाजारपेठेत लोकांची वर्दळ असताना मोठी दुर्घटना घडली असती.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Politics : ठाकरे गटाला मोठा झटका, मोठ्या नेत्यांचा शिवसेना शिंदे गटात प्रवेश

Maharashtra Live News Update: मराठा बांधव गावाकडच्या दिशेने

Lohgad Fort History: ट्रेकिंगसाठी लोकप्रिय! महाराष्ट्रातील प्राचीन असा लोहगड किल्ल्याचा इतिहास आणि वैशिष्ट्ये जाणून घ्या

Maratha Reservation: मराठा आरक्षणासाठी मुंबईत उसळला जनसागर, CSMT वर ‘भगवं वादळ’ | VIDEO

Tamhini Ghat Accident : ताम्हिणी घाटात दोन एसटी बस समोरासमोर धडकल्या; १५ प्रवासी जखमी

SCROLL FOR NEXT