सातारा : येथील जेलमध्ये एका बंदीवानाने पोलिसाला मारल्याची घटना घडली. त्यानंतर संबंधित पाेलिसाने याबाबत बंदीवाना विराेधात सातारा शहर पोलीस स्टेशनला शासकीय कामात अडथळा आणल्याचा गुन्हा दाखल केला. या घटनेबाबत पोलिसांनी दिलेल्या माहितीनूसार रणजित गोपीचंद बर्गे हे जेलमध्ये कार्यरत आहेत. त्यांना बंदीवान काशीनाथ उर्फ काश्या सोनबा जाधव याने मारहाण करुन जिवंत मारण्याची धमकी दिली. त्यानूसार सातारा (satara) शहर पाेलिसांत (police) गुन्हा (crime) दाखल केला आहे. (satara latest marathi news)

या घटनेनंतर बर्गे यांनी जेलचे अधीक्षक डी. जी. दुबे यांच्याकडे तक्रार केली. दुबे यांनी जाधव यास बोलवले व चाैकशी करु लागले. परंतु जाधवने त्यांच्यावर धावून जाण्याचा प्रयत्न केल्याचं पाेलिसांनी सांगितलं.

दरम्यान जाधव याच्यावर शासकीय कामात अडथळा आणल्याचा तसेच अन्य कलमाखाली गुन्हा दाखल करण्यात आला आहे. या घटनेची चाैकशी तसेच अधिक तपास हवालदार दळवी हे करीत आहेत. (crime news)

Edited By : Siddharth Latkar