Prakash Ambedkar Big Claimed

प्रकाश आंबेडकरांनी (Prakash Ambedkar) भाजपाच्या पक्षांतर्गत सत्तासंघर्षावर एक मोठं विधान केलंय. भाजपातल्या काही लोकांना नितीन गडकरींची अडचण होत आहे. त्यामुळे ते त्यांना बाजूला करण्याचा घाट घालत आहेत. मात्र, गडकरी बाजूला व्हायला तयार नसल्याने त्यांना अडकवण्याचा कट भाजपाचे (BJP) काही लोक रचत असल्याचा खळबळजनक दावा प्रकाश आंबेडकर यांनी केलाय. (Latest Politics News)

यासाठी नागपुरातील काही अधिकाऱ्यांना पकडत त्यांच्याकडून गडकरींनी लाच मागितल्याचं वदवून घेण्याचा प्रयत्न सुरू आहे, असा गंभीर आरोप प्रकाश आंबेडकरांनी (Prakash Ambedkar On Nitin Gadkari) केलाय. ते काल रात्री अकोल्यात मुस्लिम समाजाच्या एका बैठकीत बोलत होते.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

लोकसभा निवडणुकीचे वारे

लोकसभा निवडणुकीचे वारे वाहू लागले आहे. त्यात राज्यात प्रकाश आंबेडकर यांच्या सभांचा धडाका सुरूच आहे. अकोल्यात प्रकाश आंबेडकर यांची कॉर्नर सभा पार (Prakash Ambedkar Big Claimed) पडली. या सभेत मुस्लिम समाजाशी संवाद साधताना आंबेडकर म्हटलंय की, यंदा मुस्लिम म्हणूनच तुम्हाला वोटिंग करावी लागणार आहे.

गडचिरोली आणि भंडारा वगळता प्रत्येक लोकसभेमध्ये मुस्लिम 'दीड लाख' आहे. त्यांची मोठी ताकद आहे. त्यामुळे या निवडणुकीत मुस्लिमांनी मुस्लिम म्हणूनच मतदान केलं तर त्यांना निवडणुका जिंकता येतील, असं वक्तव्य त्यांनी अकोल्यातील आयोजित मुस्लिम समाज संवाद मेळाव्यात केलं (Prakash Ambedkar Sabha In Akola) आहे.

महाविकास आघाडीत जागेंचा तिढा

रवींद्र वायकर यांनी पक्षाशी एकनिष्ठ राहायचा खूप प्रयत्न केला. मात्र, जेव्हा पलीकडून फास आवळला गेला, तेव्हा त्यांना पक्ष सोडण्याशिवाय दुसरा पर्याय राहिला नाही. ते शिंदे गटात (Maharashtra Politics) गेले. महाविकास आघाडीत पंधरा जागांवर तिन्ही पक्षांची भांडणं आहेत. 14 तारखेपर्यंत त्यांची भांडण सुटली तरच आमच्याशी वाटाघाटी होऊ शकेल, असंही प्रकाश आंबेडकरांनी सांगितलं आहे.

महाविकास आघाडीच्या आपसातील जागा वाटपाच्या शक्यतेवरही त्यांनी प्रश्नचिन्ह उपस्थित (Lok Sabha Election) केलंय. दरम्यान, आपण हारलो किंवा जिंकलो तरी आपणच सिकंदर ठरणार असल्याचं सांगत आंबेडकरांनी त्यांच्या भूमिकेविषयी आणखी संदिग्धता वाढवली आहे.