रणजीत माजगावकर

Raju Shetti News Today: स्वाभिमानी शेतकरी संघटनेचे अध्यक्ष माजी खासदार राजू शेट्टी यांनी आगामी लोकसभेसाठी रणशिंग फुंकले आहेत. त्यांनी स्वतः हातकणंगले लोकसभा मतदारसंघातून उतरण्याची घोषणा केली आहे. (Latest Marathi News)

त्याचबरोबर राज्यात सहा ठिकाणी उमेदवार देणार असल्याचे राजू शेट्टी म्हणाले. राजू शेट्टी यांनी ही निवडणूक (Election) पूर्ण ताकदीने लढवणार असल्याचे म्हटले आहे. कार्यकर्त्यांच्या मेळाव्यात बोलताना आगामी लोकसभा निवडणुकीच्या पार्श्वभूमीवर त्यांनी आपली रणनीती स्पष्ट केली.

"पराभवाने मी खचून जाणारा माणूस नाही"

हातकणंगले लोकसभा निवडणूक मी जनतेच्या पाठिंब्यावर आणि लोकवर्गणीतून लढवणार आहे. स्वतंत्रपणे ही निवडणूक लढवणार आहे. आम्ही पूर्ण ताकदीने मैदानात उतरणार आहोत. लोकसभा निवडणुकीत 2019 मध्ये गाफील राहिल्याने पराभव झाला. संघर्ष केला असतानाही पराभव झाला. मात्र, पराभवाने मी खचून जाणारा माणूस नाही. लोकसभेच्या सहा जागा लढवणार असल्याचे सांगितले. त्या जागांवर उमेदवारी जाहीर करणार असल्याचेही राजू शेट्टी (Raju Shetti) म्हणाले.

"आम्ही महाविकास आघाडीचा घटक पक्ष नाही"

पुढे बोलताना राजू शेट्टी यांनी सांगितले की, समोर कोण आहे, कोणता पक्ष आहे हे आम्ही बघणार नाही. मला शेतकरी आणि सर्वसामान्यांचे प्रश्न मांडायचे आहेत. यासाठीच मी लोकसभेच्या मैदानात उतरणार आहे. महाविकास आघाडीमधून आम्ही आता गेल्यवर्षीच बाहेर पडलो आहे. आम्ही महाविकास आघाडीचा घटक पक्ष नाही. असंही त्यांनी यावेळी सांगितले. (Political News)