Hingoli News : हिंगोली जिल्ह्यातील कळमनुरी येथील बुलढाणा बँकेच्या कळमनुरी शाखेत झालेल्या आर्थिक घाेटाळ्याच्या संशयावरुन कळमनुरी पोलिसांनी बॅंकेच्या पाच कर्मचा-यांवर गुन्हा दाखल केला आहे. या प्रकरणाचा पाेलिस सखाेल तपास करीत असल्याची माहिती कळमनुरी पोलिसांनी दिली. (Maharashtra News)

कळमनुरी येथील बुलढाणा बँकेच्या शाखेत कोट्यवधी रुपयांचा घोटाळा झाल्याची माहिती शहरात वा-या सारखी पसरली. यामुळे खातेदार, गुंतवणुकदार यांच्यासह कर्जदार यांचा गाेंधळ उडाला. नेमका काय प्रकार झाला याची माहिती घेण्यासाठी अनेकांनी बुलढाणा बँकेच्या कळमनुरी शाखेत धाव घेतली.

खातेधारकांत संताप

दरम्यान बँकेतील (bank) कर्मचारी व अधिकाऱ्यांनी संगनमताने हा घोटाळा केल्याचा आरोप खातेधारकांनी केला आहे. या प्रकरणी पाेलिसांत तक्रार देण्यात आली आहे. पाेलिसांत प्राप्त झालेल्या तक्रारीनूसार पाेलिसांनी पाच कर्मचाऱ्यांविरुद्ध गुन्हा दाखल केला आहे.

पाच जणांवर गुन्हा दाखल

या बँक कर्मचाऱ्यांनी संगनमताने खातेदारांच्या रकमा परस्पर उचलल्याचे तक्रारीत नमूद असल्याचे पाेलिसांनी स्पष्ट केले. पाेलिसांनी (police) दिलेल्या माहितीनूसार बँकेचे शाखा व्यवस्थापक वसंत घुगे, सुभाष भोयर व बँकेचे कॅशियर गजानन कुलकर्णी व इतर कर्मचारी यांच्यावर गुन्हा दाखल करण्यात आला आहे.

Edited By : Siddharth Latkar