Chhatrapati Sambhaji Nagar News : छत्रपती संभाजीनगर जिल्ह्यातील आदर्श नागरी सहकारी पतसंस्थेच्या घोटाळा प्रकरणी आणखी एका संचालकाला अटक करण्यात आली आहे. आता अटकेतील आरोपींची संख्या पाच झाली आहे. अशी माहिती पोलिसांनी दिली आहे. (Maharashtra News)

आदर्श नागरी पतसंस्थेच्या संचालकांवर वेगवेगळ्या संस्थांच्या आणि जवळच्या व्यक्तीच्या नावावर कर्ज लाटून 202 कोटींचा घोटाळा केल्याचा ठपका ठेवण्यात आला आहे. याप्रकरणी अध्यक्ष अंबादास मानकापे (ambadas mankape) याच्यासह 50 जणांवर गुन्हा दाखल करण्यात आला आहे.

रुपये 202 कोटीच्या आदर्श घोटाळा प्रकरणात पोलिसांनी कारवाई केल्यानंतर आत्तापर्यंत 35 मालमत्ता उघडकिस आणल्या आहेत. पाेलिसांनी उघडकिस आणलेल्या मालमत्तेत आदर्श बँक पत संस्थेचे कार्यालय, जमीन आणि अध्यक्ष मानकापे यांच्या घराचा समावेश आहे.

दरम्यान आणखी एका संचालक रामसिंग जाधव याला पाेलिसांनी अटक केली आहे. आता अटकेतील आरोपींची संख्या पाच झाली आहे. अशी माहिती पोलिसांनी दिली आहे. आदर्श घोटाळ्यात आता पोलीस पथके चांगलेच सक्रिय झाले आहेत.

एकीकडे आरोपींचे अटक (arrests) सत्र सुरू आहे. काही पथके मालमत्तेची माहिती गोळा करीत आहे. तर काही आरोपींचा शोध घेत आहेत. आत्तापर्यंत पोलिसांनी आदर्श पतसंस्थेची 35 मालमत्ता उघडकिस आणली आहे.

यात वेगवेगळ्या ठिकाणी असलेले त्यांचे कार्यालय, इमारत यांचा समावेश आहे. बऱ्याच ठिकाणी जमीनही समोर आली आहे. फुलंब्रीत एकाच ठिकाणी 75 एकर जमीन आढळून आली आहे. दरम्यान पोलिसांनी अध्यक्ष मानकापे यांच्या घराची झडती घेतली मात्र तिथे काहीच मिळून आले नाही. इतर सदस्यांनी घरातील सर्व साहित्य घेऊन पसार झाल्याचा अंदाज वर्तविला जात आहे.