- सचिन कदम

अतिवृष्टीत दगड माती रस्त्यावर येवून मोऱ्या आणि रस्ता नादुस्त झाल्याने रस्ता खोदून मोऱ्यासाठी पाईप टाकण्याचे काम केले जाणार असल्याने उद्या (बुधवार) एक दिवसासाठी पोलादपूर आणि महाबळेश्वरला (mahableshwar) जोडणारा आंबेनळी घाट (Ambenali Ghat) वाहतुकीसाठी बंद राहणार आहे. याबाबतची माहिती बांधकाम विभागाने कळवली आहे.

पोलादपूर आणि महाबळेश्वरला आंबेनळी घाट जाेडला आहे. या घाटात पार फाटा ते मेटतळे रस्त्याच्या कामासाठी येथील वाहतूक उद्या (बुधवार) सकाळी ऩऊ ते सायंकाळी पाच दरम्यान बंद ठेवण्यात येणार आहे अशी माहिती सार्वजनिक बांधकाम विभागाने पत्रकाद्वारे दिली आहे.

उद्या दिवसभर वाहतूक बंद राहणार असल्याने कोकणातून (kokan) महाबळेश्वरला येणाऱ्या आणि जाणाऱ्या पर्यटकांची अडचण होणार आहे. घाट रस्ता बंद राहणार असल्याने प्रवाशांना इतर मार्गाने प्रवास करावा लागणार आहे.

Edited By : Siddharth Latkar