शिक्षकाकडून अल्पवयीन विद्यार्थिनीवर लैंगिक अत्याचार

पीडित मुलगी गर्भवती

पोलिसांनी ठोकल्या शिक्षकाला बेड्या

सचिन बनसोडे, साम टीव्ही

अहिल्यानगरमध्ये खळबळजनक घटना उघडकीस आल आहे. शिक्षकाने आठवीत शिकणाऱ्या अल्पवयीन मुलीवर लैंगिक अत्याचार केल्याची घटना उघडकीस आली आहे. विद्यार्थिनी गरोदर राहिल्यानंतर हा सगळा प्रकार उघडकीस आला आहे. संगमनेर तालुक्यातील घारगाव पोलिस ठाण्याच्या हद्दीत ही घटना घडली आहे. आरोपी शिक्षकाविरोधात पोक्सो कायद्यांतर्गत गुन्हा दाखल करण्यात आला आहे. या प्रकरणी पोलिसांनी तात्काळ नराधाम शिक्षकाला बेड्या ठोकल्या आहेत.

पीडित विद्यार्थिनी घारगाव पोलिस ठाण्याअंतर्गत येणाऱ्या एका खासगी शाळेत शिक्षण घेत आहे. तिची कौटुंबिक परिस्थिती चांगली नव्हती. त्यामुळे ती नेहमी मानसिकदृष्ट्या खचलेली आणि एकटी असायची. तिचे वडील कामासाठी बाहेर असायचे. तर तिचा भाऊ कॉलेजला जातो. तर आई कामात व्यग्र असायची. यामुळे तिला नेहमी उपेक्षित वाटायचं.

मुलीच्या याच मानसिक अवस्थेचा नराधम शिक्षकाने गैरफायदा घेतला. पीडित मुलगी सातवीत असल्यापासून नराधम शिक्षक जवळीक वाढवत होता. नराधम शिक्षकाने डिसेंबर 2024 ते जानेवारी 2026 दरम्यान वेळोवेळी लैंगिक अत्याचार केले. मुलगी घरी एकटी असायची, त्यावेळी आरोपी तिच्या घरी जाऊन तिच्यावर वारंवार अत्याचार करायचा.

गेल्या दोन वर्षांपासून नराधमाकडून गंभीर प्रकार सुरू होता. काही दिवसांपूर्वी काळात मुलीला पोटदुखीचा त्रास होऊ लागला. त्यामुळे विद्यार्थिनीला पिंपरी-चिंचवडमध्ये रुग्णालयात उपचारासाठी नेलं. डॉक्टरांनी तपासणीत केल्यानंतर विद्यार्थिनी गर्भवती असल्याचे समोर आले. यानंतर रुग्णालयातील वैद्यकीय अधिकाऱ्यांनी त्वरित पोलिसांना माहिती दिली. पोलिसांना कळवळ्यानंतर हा प्रकार उजेडात आला.

याप्रकरणी आरोपी शिक्षकावर भारतीय न्यायसंहितेतील संबंधित कलमे आणि पोक्सो कायद्यांतर्गत गुन्हा दाखल करण्यात आला आहे. झिरो क्रमांकाने नोंदवलेला हा गुन्हा पुढील तपासासाठी घारगाव पोलिसांकडे वर्ग करण्यात आल्याची माहिती हाती आली आहे. या प्रकरणी घारगाव पोलिसांनी तातडीने नराधम शिक्षकाला बेड्या ठोकल्यात. शिक्षकी पेशाला काळिमा फासणाऱ्या या घटनेने अहिल्यानगर जिल्ह्यात मोठी खळबळ उडाली आहे.